MAP-FAO Ensera Programa Konservasaun Agrikultura

MAP-FAO Ensera Programa Konservasaun Agrikultura

- in Economics
811
0
Fini

DILI– Durante tinan 4 nian laran, Ministeriu Agrikultura e Peskas (MAP) servisu hamutuk ho FAO, realiza programa Konservasaun Agrikultura (CA) iha baze, tanba nee halao serimonia enserementu ba programa nee.

Liu husi deskursu Reprezentante FAO iha TL, Paula Lopes da Cruz hateten, programa nee lao ona durante tinan hat ho balun, tanba nee too ona tempu FAO intrega ba iha Ministeriu Agrikultura, husu ba MAP atu kontinua programa CA nee iha baze, tanba programa nee hatudu progresu diak ba povu.

Ami bele dada aan ona husi programa nee maibe la signifika katak, programa nee mos para ona iha nee, husu ba MAP atu organiza didiak programa nee ba oin, bain hira FAO la involve aan iha laran. Ami tenke husik duni servisu nee ba MAP atu lao mesak,”informa Paula Lopes da Cruz liu husi ninia deskursu iha MAP, Tersa (12/09/2017).

Nia mos informa liu tan katak, ho prezensa CA nian, atu minimiza estagus neebe akontese iha Setor Agrikultura nia laran, hanesan Sunu, no fila rai tanba, fator sira nee sei fo amesa boot ba ambienta TL nian. Tan nee liu husi establesementu programa CA nee, bele ajuda agrikultor sira iha baze, oinsa lere deit nahe ba rai leten hodi kuda diretamente, atu nunee bele fo produsaun neebe diak.

Iha fatin hanesan Sekretariu Jeral iha Ministeriu Agrikultura, Cesar da Crus hateten, programa CA neebe establese iha rai laran nee, diak tebes no hakman servisu agrikultor sira nian iha baze, tanba nee MAP sei halo esforsu diak liu tan, atu estbalese programa nee iha Munisipiu neebe maka too agora seidauk asesu ba programa CA.

Ita haree programa nee diak tebes, no ita nia agrikultor sira mos hatudu dadauk ona sira nia kapasidade atu impleamenta programa nee iha baze, liu husi labele tesi, labele sunu no labele fila rai maibe, liu husi Lere, nahe, hodi kuda lansung, ita nia agrikultor sira kuaze adapta ona no hatudu progresu diak iha baze,”informa nia.

Nia mos informa liu tan katak, TL oras nee tama ona ba teknolojia modern, tanba nee agrikultor sira la presiza atu servisu kolen iha baze, MAP sei halo esforsu hodi establese programa nee iha Munisipiu sira seluk.

Nunee mos Team Lider husi programa CA, Ruben Flamarique hateten, tinan 4 ona programa CA nee establese iha rai laran, no ohin loron FAO intrega ba iha MAP maka atu organiza programa nee ba oin.

“Ita bele dehan projetu entre FAO ho MAP hotu ona ohin, maibe la signifika katak servisu mos hotu ona, tanba nee husu nafatin ba Governu foun mai atu kontinua programa nee iha baze, nunee fasilita diak liu tan servisu agrikultor sira nian iha area remotas,”informa nia. Madalena Horta

Facebook Comments

Leave a Reply

Your email address will not be published. Required fields are marked *