MAP Entrega Dokumentus Ba Estudante 50

MAP Entrega Dokumentus Ba Estudante 50

- in Edukasaun
644
0
Estanislau da Silva

DILI – Ministeriu Agrikultura i Peskas (MAP) entrega simbolikamente dokumentus ba estudante terseiru grupu hamutuk 50, neebe atu tuir formasaun agrikultura iha Arava International Center for Agriculture Trainning-Israel.

Seremonia entrega dokumentus ba estudante 50 nee halao iha salaun enkontru MAP, Comoro, Segunda (17/7/2017), no dokumentus hirak nee entrega direta husi Ministru MAP Estanislau Aleixo da Silva.

Hafoin entrega dokumentus ba estudante 50 nee, Ministru MAP Estanislau dehan numeru sempre aumenta, primeru grupu ema nain 20, segundu grupu iha ema nain 30 no terseru grupu aumenta tan 50. Husi numeru nee total feto hamutuk 16 no mane hamutuk ema nain 34 mak atu ba tuir formasaun konaba agrikultura ninia iha AICAT –Israel.

Iha semana kotuk hau halao enkontru hamutuk ho sira segundu grupu ninian hamutuk ema nain 30, wainhira sira fila mai hau hare sira ho kontenti tebes tanba sira mai ho kondisaun diak normal hotu buat ida mos la akontese ba sira” dehan Ministru MAP Estanislau iha deskursu, Segunda (17/07/2017).

Ministru Estanislau mos fo parabens ba estudante feto nain 16 husi terseru grupu nee. Nia dehan feto sira ba laos halao servisu kmaan, maibe sira mos halao servisu todan hanesan ho traballador sira neebe servisu iha Australia, balu iha area agrikultura, holtikultura, fila rai dader too lokraik.

Iha fatin hanesan reprezentante estudantes Francisco dos Santos Maia hatoo sira nia liafuan agradesementu ba Ministru, diretores jerais nomos xefi departementu hotu, tanba iha tempu badak nia laran sira hamutuk ema nain 50 sei aranka ba Mediu Oriente hanesan Israel hodi husik hela nasaun Timor Leste, atu bele apriende buat ruma ba futuru Timor Leste. EST6

Facebook Comments

Leave a Reply

Your email address will not be published. Required fields are marked *