Manuel Castro Pereira

Manuel Castro Pereira

- in Perfil
295
0
Manuel-Castro-Deputadu1-615x509

PROFIL ohin nian ita sei ba akompana Manuel Castro Pereira neebe oras nee asumi knaar hanesan Reprezentante povu iha uma fukun Parlamentu Nasional, Deputadu husi Bankada FRETILIN.

Manuel Castro Pereira, oan husi matebian Claudina Belo no Manuel Castro Pereira. Sira iha maun alin nain 12 no Manuel oan ba dala 7.  Castro moris iha  loron 9 fulan Agostus  tinan 1961 iha Badatu suku Fatumea, Postu Administrativu, Venilale.

Didikasaun Servisu

Antes ba asumi kargu hanesan Deputadu iha Parlamentu Nasional, Castro dedika nia aan uluk hanesan emprezariu Timor oan ida, no iha vida politika tama iha strutura Partidu nian iha nivel Sub Distritu.

Kareira Castro nian hodi mai tur  iha Parlamentu Nasional tanba, liu husi vida Politika, hodi lori koordenador  nivel Sub distritu ba periodu rua nian too agora.

 Prestasaun Servisu

Castro  hanesan ema politiku tenke didikaan liu ba iha vida politiku, duke vida emprezarial no rua nee bele lao hotu maibe tau importansia liu ba vida poilitiku nian tanba ema tau ona fiar mai ita hodi asumi knaar ida nee tan nee, ita simu orientasaun atu lao tuir programa no planu neebe maka iha tan nee tau importansia boot ba vida poliika.

Defikuldade

Bain hira asumu knaar hanesan Deputadu hodi reprezenta povu iha uma fukun ida nee sempre hasoru defikuldade, maibe defikuldade la sai hanesan obstaklu ba ita nia atividade loron loron nian tan nee buka atu hadia.

Hau mai fou foun iha Parlamentu hasoru kedas defikuldade boot ida maka, bainhira tur ona iha uma fukun ida nee saida maka bele koalia no saida maka hau labele koalia, karik koalia,  koalia oinsa tan nee, durante fulan tolu nia laran hau tur tiha ona iha parlamentu  la koalia, tanba sei halo akonpanamentu ho deputadus sira neebe maka tuan ona oinsa sira nia koalia atu nunee bele halo mudansa baa aan, saida maka bele koalia iha nee, ida nee maka defikuldade neebe hasoru fou foun tama iha PN,”informa Castro.

La Mehi Sai Deputadu.

Uluk sei kiik la mehi atu asumi knaar hanesan Deputadu tan nee, bain hira mai tuir iha nee hodi reprezenta povu, sente hanesan buat foun katak, saida maka sei halo durante mandate Tinan lima nia laran, buat sira nee hotu atu lao diak importante maka halo adaptasaun ho maluk sira seluk.

Uluk Mehi Sai Emprejariu.

Bain hira Remata eskola tenkinu, Castro iha hanoin ida no mehi ida oinsa atu hola parte iha vida emprezarial, tanba nee antes asumi knaar hanesan Deputadu hodi reprezenta povu iha fatin nee, maka didikaan uluk tiha ona hanesan emprezariu Timor oan ida, no bain hira simu knaar atu mai tur iha nee hanesan, orguilo boot ida, maske sente aan katak kapasidade seidauk too atu asumi knaar hanesan Deputadu, tanba momentu neeba sei asumi hela knaar hanesan Koordenasor Postu Administrativu, tan nee seidauk bele atu asumi knaar Deputadu, maibe buat hotu atu lao diak importante maka inisiativa buka atu aprende buat foun.

Tuir Castro katak uluk hola parte iha vida emprezaria, buka atu halao atividade empreza nee ho diak, atu nunee bele fo benefisiu baa an nomos ba familia, no hakar sai hanesan parseru ho estadu hodi dezenvolve rai ida nee ho diak.

Asumi knaar hanesan Deputadu

Hanesan Deputadu tenke didika aan tomak ba servisu hotu hotu, tanba ida nee hanesan responsablidade boot ida neebe tutur hela iha ita nia kabas,  no halao servisu tuir buat neebe maka Lei haruka, tanba bain hira asumi knaar hanesan Deputadu ho esprensia neebe maka jero, no momentu neeba laiha esprensia atu mai tur iha PN koalia reprezenta povu no oinsa atu halao servisu hanesan Deputadu iha nee, maibe hanesan ema humana ida ita tenke halo adaptasaun ho maluk sira seluk, buka atu hatene.

Dezafius

Hanesan Vice Prezidente Komisaun E neebe trata asuntu, Infraestrutura Dezafius boot neebe infrenta iha baze durante nee maka, tanba konesementu iha baze nee ladun klean atu hatoo iha programa ou projetus sira neebe maka lao dadauk iha rai laran. Dala ruma obras barak laiha kualidade, no dala ruma obra nee lao tiha la halo akonpanamentu, no liu husi dezafius sira nee hanesan membru komisaun ida ami hamotuk hodi buka solusaun oinsa, atu rezolve.

Bantajen

Iha komisaun nia laran la tau opozisaun ba malu, buat ruma sala buka tur hamotuk hodi rezolve, no ladun malu dehan ida nee maka sala , ida nee maka los, servisu iha komisaun laran lao diak tanba servisu ekipa nee metin, no la kria opozisaun iha komisaun ida nia laran. Bantajen seluk maka komisaun nee kria komisaun eventual ida hodi tun ba baze halo berifikasaun dadaus iha baze konaba projetu emerjensia neebe maka lao iha tinan 2013- 2014 nia laran, neebe governu haruka halo deit maibe obras sira nee finaliza tiha la halo pagamentu.

Esforsu  husi komisaun eventual lao diak tebes, no projetu sira nee balun governu selu dadauk ona no balun maka governu seidauk selu tanba tenke berika didiak lai antes halo pagamentu.

Bantajen seluk maka, bain hira asumi knar hanesan Vice Prezidente no hanesan Prezidente interinu iha  komisaun E neebe trara asuntu Infraestrutura, nee bele aumenta hau nia konesementu iha kareira politika nian, tanba Prezidente komisaun E Pedro da Costa kaundu moras maka servisu prezidente nian hau maka tenke halo hotu.

Desvantajen

Dez banajen maka bain hira halo fiskalizasaun iha baze, dala ruma kolia ho ema balun simu ita nia idaeas hodi halo tuir maibe, iha ema balun bain hira ita koalia ba ema la rona no iharuka halo ida nee, ema ba halo fali ida neeba, ida nee maka des bantajen.

Esperansa Ba oin

Esperansa Deputadu Castro nian ba oin maka, karik partidu fo fiar nafatin atu tur iha PN hodi reprezenta povu iha rai ida nee maka, hanesan politika ida nafatin hakas aan hodi hasoru defikuldade neebe maka atu mai, no nafatin hakilar ba povu nia preokupasaun neebe durante nee sira infrenta ona iha baze maibe, karik hau nia Partidu la tau ona fiar maka tenke fila fali ba vida emprezarial.

Mensajen Ba Kargu Foun (Deputadu foun)

Falta deit ona fulan hira Mandatu Deputadus sira nian sei remata, karik la asumi ona knaar hanesan Deputadu hodi reprezenta povu iha fatin ida nee maka, mensajen ba Deputadu foun sira katak, asumi knaar hanesan Deputadu nee kargu politik ida tan nee tenke, depende ba organizasaun no depende ba lideransa sira tan nee, halo tuir deit desizaun hotu hotu neebe maka lider sira eduka hela ona mai ita, karik lideransa partidu nian tau fiar nafatin baa tan hau maka, hau sei fila mai tur iha nee, karik la presiza ona maka hau bele para tanba, buat hotu lao tuir desizaun lideransa sira nian.

Hau nia mensajen ba Deputadus foun sira neebe maka atu mai nee tenke, servisu ho honestidade tau interese povu nian aas liu duke interese privadu tanba, Nasaun ida nee atu ba oin maka interese povu importante duke interese privadu,”dehan Castro.

Edukasaun Formal

 Hahu eskola iha tempu Portugues nian eskola iha Venilale mai too iha Dare, no husi dare ba fali Venilale hodi akaba iha kuarta klase, no primeiru ano eskola iha, eskola tekniku Dili, no remata tiha primeiru ano maka funu mai halai tiha ba Ailaran durane tinan tolu nia laran, no fila mai husi ailaran kontinua fali eskola iha Fatumaka durante tinan 3 nia laran.

Depois de ida nee Pai mate iha ailaran no hela deit ona maka Inan neebe laiha posiblidade atu selu oan ba eskola tan nee jalan keluarnya tenke para duni iha tempu nee no iha momentu eskola hanesan iha preasaun inimigu nia laran tan nee tenke para eskola iha tempu nee, no mai buka moris hodi sustenta aan nomos familia.Madalena Horta.

 

Facebook Comments

Leave a Reply

Your email address will not be published. Required fields are marked *