Mane Vitima, RF Fo Asistensia

Mane Vitima, RF Fo Asistensia

- in Edukasaun
87
0
download (23)

DILI– Bainhira mane sai vitima ou hetan violensia husi ninia parseru (fen red), Redi Feto (RF) prontu fo asistensia, tanba organizasaun nee hamriik atu tau matan ba jeneru.

Kestaun nee hatoo husi Prezidente Redi Feto Judite Dias Ximenes, ba STL, iha salaun MAP, Kuarta (18/12/2019).

Nia dehan, dala barak ema konfundi sala katak Redi Feto nia ezistensia nee atu tau matan ba vitima feto deit no mane lae, ida nee lalos, maibe RF hamriik atu haree kona ba asuntu jeneru.

Judite haktuir tan katak, jeneru nee ba feto no mane hotu, tanba nee bainhira mane sira sai vitima odamatan Redi Feto nakloke atu fo asistensia.

Sekarik mane sai vitima ba prosesu tomak Redi Feto prontu fo asistensia ba mane atu hetan justisa, ita hatene mane barak sai vitima mos, maibe mane sira labuka justisa husi Redi Feto oinsa mak Redi Feto halo justisa, katak Prezidente Redi Feto nee.

Maibe nia dehan,  kazu mane kontra violensia mos iha hanesan mane ho vizaun foun hodi haree, tanba nee mak mane hasoru violensia hakbesik aan ba Redi Feto no Redi Feto ho nia membru sira hanesan Fokupers no Alfela hodi fo asistensia ba vitima sira nee.

Judite dehan, Redi Feto seidauk simu keixa husi mane, maibe husi Fokupers mane mos ba hatoo keixa katak, mane mos sai vitima kona ba violensia domestika nian, mais vitima sira seluk sira laba keixa hodi halo asistensia.

Tanba tuir Prezidente Redi Feto nee katak, sai vuneralidade ba assuntu sosiais nee laos ba feto deit, ferik katuas no labarik deit, maibe mane mos bele sai vuneral.

Se bainhira mane sai vitima hakarak buka justisa Redi Feto nia membru prontu atu fo asistensia legal, ba mane neebe mak kbiit laek, atu selu advogadu atu ba prosesu ba too Tribunal, Judite salienta.

Nunee mos Francisca Alves husi Fokupers dehan, koalia kona ba jeneru nee laos ba feto deit ou mane deit, maibe koalia kona ba jeneru nee ba feto no mane hotu.

Ita koalia kona ba jeneru nee ita koalia kona ba papel feto no mane hotu, durante nee Fokupers mos simu keixa husi mane sira, hatete Francisca.

Nia dehan, Fokupers nia serbisu atu fo protesaun no akonpanamentu ba vitima violensia, bazeia ba jeneru, dala ruma mos sira halo akonselamentu ba mane sira neebe mak hanesan autor, Fokupers iha sentru akonselamentu ba autor iha Farol neeba.

Francisca hatutan, ezistensia Fokupers hamriik laos atu tau interese deit ba feto ida nee lalos, maibe Fokupers hamriik ba interese komum no serbisu mak presiza halo separasaun  iha koordenasaun serbisu ,hodi fo protesaun no akonselamentu ba feto ho mane.

Nunee mos akademista Jose Belo dehan, dala barak mane sira mos sai vitima ba violensia domestika ,maibe dala ruma mane sira lahatoo keixa iha ministeriu relevante, tanba senti moe ou lakoi nia problema ema hotu hatene, entaun nia rasik taka deit maibe realidade mane mos sai vitima.

Ita haree dala ruma husu osan ba mane lafoo, dala ruma mos tama uma kalan ou mosu selingku, feto sente laforte sira dala ruma foti desizaun katak, diak liu sona mate nia, duke nia moris halo hau terus, entaun dala ruma laen sira too sira hirus halo violensia, maibe mane sira dala ruma la hatoo keixa, dehan Jose.

Nia dehan, violensia domestika nee hanesan krime publiku, tanba nee mak labele koko rezolve problema ho violensia, maibe buka dalan oinsa rezolve ho ulun malirin. Emerenciana Pinto

 

Komentariu

Facebook Comments

Leave a Reply

Your email address will not be published. Required fields are marked *