Luta Ekonomia Familiar Hanesan Mane

Luta Ekonomia Familiar Hanesan Mane

- in Distritu
938
0
Kresementu

BAUCAU- Ohin loron feto nian luta buka osan hodi sustenta familia iha uma laran hanesan mos mane sira, tanba realidade neebe maka iha feto ba natar, kuda haree, fila buka mos osan hodi sustenta oan sira ba eskola hanesan mos mane sira.

Realidade neebe maka iha ita feto nian luta buka osan no buka hahan iha familia nian laran hanesan mos ho mane sira, tanba saida maka hau dehan hanesan nee, tanba realidade neebe maka iha ita nian inan feton sira neebe maka iha foho sira mos ba natar hamos duut hanesan ita nian aman sira, sira fila mai haree oan no laen, prepara tan hahan. Iha feto maluk sira neebe maka iha servisu, sira mos buka osan hodi sustenta familia nian hanesan mos mane sira. Tanba nee maka hau dehan feto nian luta buka osan hanesan hodi sustenta familia hanesan mos mane sira,” katak Regina de Sousa nuudar inan ba familia nomos nuudar Presidenti Afehabad ba STL, wainhira hasoru malu iha nian knaar fatin Lanu, Bairo Pite,  Sesta foin lais nee.

Nian hatutan, feto mos lahatene kolen no lahatene sura nian kolen, tanba dala barak sira ba halao knaar iha natar, no toos lolos sira mai deskansa maibe sira tenki ba iha dapur hodi prepara ba hahan no haree mos labarik sira duke mane sira.

Feto sira ita haree sira nunka sura kolen no senti kolen sai maske, sira senti kolen persija deskansa maibe sira tenki fila ba dapur fila ba uma sei prepara hahan ba kalan nian nomos haree labarik kiik oan sira. Dala barak mane sira mai husi natar no toos dehan kolen sira deskansa ona, no labele halo tan ona servisu uma laran nian. Maibe inan sira neebe maka ba iha merkadu, maske sira lori sasan ba merkadu senti kolen maibe sira fila mai etu ou hahan laiha, sira tenki prepara tan hahan. Ida nee maka durante nee ita feto nian knaar iha familia nian maske buka osan no maske halo toos no natar, maibe iha uma laran feto nian servisu kontinua nafatin.

Nian hatutan, iha mane balun neebe komprende nian feto sira, maske rame rame ba iha toos no natar, karik feto senti kolen sira ajuda, maibe iha mane balun neebe maka labele tama dapur, wainhira sira kolen ona sira hateten dapur nee feto nian servisu, no haree labarik nee feto nian servisu, maibe sira mos haluha tiha feto sira ba ajuda hela sira iha toos no natar. Lolos ida nee mane nian servisu maibe feto bele halo. Emerenciana Pinto

Facebook Comments

Leave a Reply

Your email address will not be published. Required fields are marked *