Lucas Autor Ba Prosesu Revolusaun

Lucas Autor Ba Prosesu Revolusaun

- in Nasional
11
0
Screen Shot 2019-09-05 at 1.47.14 AM

DILI-Moris iha mundu hanesan Lilin ida, too tenpu nia sei mohu sai naben, tanba nee hirak neebe sei moris tenke tane aas no valorize memoria no estoria luta neebe maka, Esi Deputadu ka Reitor Universidade da Pas husik hela iha mundu ida nee. Tanba rai ida nee bain hira atu ukun aan, sura mos nia apoiu no kontribuisaun hahu kedas husi tinan 1975 mai too agora, hodi ohin nia hakotu nia iss, no husik hela mundu ida nee.

Liafuan nee hatoo ho tristeza husi Deputadu Sabino Guntur ba jornalista Kinta (05/09/2019) iha nia knaar fatin Parlamentu Nasional.

“Ita tenke rekonese duni Lucas nia luta no kontribuisaun ba estadu hahu kedas iha tempu rezistensia, liu liu iha area intelektual, tanba nee se deit maka moris iha rai doben ida nee tenke rekonese  Dr Lucas nia kontribuisaun, no durante nee publiku tomak akonpana semak Dr Lucas (Rama Metan) maske nia mate ona maibe ita sira neebe sei moris tenke agdese ba nia kontribuisaun,”dehan Deputadu  nee ho tristeza.

Nia mos afirma liu tan katak, kontribuisaun no didikasaun neebe maka durante nee matebian nee halo ona ba rai ida nee, publiku tomak hatene, no akonpana  tanba nee sentimentu kondelensia profundu ba familia enlutada, TL lakon tan ema diak hanesan Lucas da Costa neebe konesidu tebes iha area intelektual nian.

Iha fatin hanesan Deputadu Domingos de Carvalho mos hatutan, kontribuisaun Dr Lucas nee ba rai ida nee boot tebes, durante tinan naruk nia laran hodi TL hetan ukun rasik aan.

“Ita triste tanba Timor Leste lakon tan ona ema diak, no ema neebe matenek hanesan Rama Metan, maske nia iha ona mundu seluk, maibe nia kontribuisaun ba rai ida nee ita nafatin sura, kontribuisaun neebe nia halo durante tempu naruk nia laran, no too agora mos nia nafatin kontribui hodi dezenvolve rai ida nee bele lao ho diak,  tanba nee ita triste tanba TL lakon tan ema diak ida,”dehan Deputadu Domingos.

Nia mos afirma liu tan katak, uluk Rama Metan halao knaar hanesan mos Deputadu iha uma fukun iha nee, hahu kedas husi Primeira lezislatura too mai iha segundu lezislatura, tanba nee nia memoria sei la hotu iha tempu ida nee deit, maibe sei sura nafatin iha rai doben ida nee, tanba nia kontribuisaun ba rai ida nee hodi hetan Independensia nee boot tebes.

Nunee mos Deputadu David Dias Ximenes (Mandati) hatutan, kontribuisaun Rama Metan nian ba rai ida nee boot tebes, no Timor oan hotu hotu sente no hatene saida maka Rama Metan halo ba rai ida nee liu husi matenek neebe nia iha.

“Ita triste tanba TL lakon tan ema diak ida hanesan Rama Metan, maske nia husik ona mundu ida nee maibe nia memoria ba povu tomak sei nafatin iha,, ita triste no lakon ona nia, maibe moris iha mundu buat hotu determina ona husi leten aas ba, tanba nee nia bolu tuir nia determinasaun,”dehan David ho tristeza.

Entertantu Deputadu Aderito Hugo hatutan, novidades tristeza ba Timor oan tomak, tanba lakon tan ona autor ou sasin ba inisiu revolusaun 1975 neebe barani koalia lia los no barani koalia realidade saida maka akontese iha revolusaun iha 75 nian, ho kapasidade Dr Lucas nian TL lakon ema diak.

“Ita hotu hatene katak, Rama Metan hanesan ema intelektual, neebe sai hanesan sasin no autor ba prosesu revolusaun nian, tanba nee ita presiza nia atu konta, no konta ho ninia kompetensia no kapasidade tomak, tanba nia ema neebe sasin iha momentu neeba, tanba nee ita triste tanba lakon ema diak ida,”dehan Deputadu nee.

Nia mos afirma liu tan katak, kapasidade intelektual Rama Metan nian, sai refrensia importante atu bele rezerva realidade sira neebe maka akontese iha prosesu revolusaun too  faze rezistensia nian, lidera RENETIL, no kontribui makas ba iha setor eduksaun hodi hari Universidade da Paz durante tinan barak nia laran, hodi kontribui ba setor edukasaun iha rai laran, tanba nee triste boot TL lakon Intelektual ida.* Madalena Horta, ESTI 09

Komentariu

Facebook Comments

Leave a Reply

Your email address will not be published. Required fields are marked *