Lu-Olo -PR Taur Hasoru Malu Hodi Deskuti Preparasaun Tomada de Pose

Lu-Olo -PR Taur Hasoru Malu Hodi Deskuti Preparasaun Tomada de Pose

- in Nasional
197
0
Lu Olo

DILI – Presidente Republika eleitu Francisco Guterres Lu-Lolo halo enkontru ho Presidente Republika Taur Matan Ruak, hodi koalia konaba preparasaun seremonia tomada de pose.

Ami nain rua koali kona ba asuntus tomada de pose nian iha loron 20 fulan Maio, prosesu sira nee hotu ami haruka hodi halo aselerasaun lais ba kestaun nee nunee mos iha enkontru nee koalia mos kona ba hau nian ekipa trasizaun mai para atu servisu hamutuk ona ho ekipa Presidente Republika aktual  oinsa sira servisu hamutuk hodi halo servisu trazisaun neebe maka lao  diak,” dehan  Presidente Republika  (PR) eleitu  Francisco Guterres Lu-Olo ba jornalista sira hafoin remata hasoru malu ho Presidente Republika Taur Matan Ruak iha palasiu Presidensial Aitarak laran, Sesta ( 21/4/2017).

Nia dehan ba kestaun sira nee aktual Presidente Republika garante ba nia parte katak buat sira nee hotu sei lao diak, liu-liu ba servisu transizaun sei lao diak no nia sei entrga nia servisu tomak ba Presidente Republika eleitu ho diak.

Presidente Republika Eleitu nee mos hatutan ba ekipa trazisaun husi nia parte sei mai halo knar komesa segunda feira semana oin hamutuk ho ekipa Presidente Republika aktual hodi komesa hare servisu sira iha presidensial nian.

Iha fatin hanesan Xefe kaza Sivil Rui Gomes hateten sira prontu atu kolabora ho parte ekipa trasisaun husi Presidente Eleitu hodi koalia konaba destinu funsionaridu kontratadu, tantu sfunsionariu apoi politiku dede presidente nian sira neebe maka oras nee dadaun servisu iha Presidensia Republika nian, meske seidauk tur hamutuk hodi deskute klean kona ba kestaun nee. Natalino T.da Costa

Facebook Comments

Leave a Reply

Your email address will not be published. Required fields are marked *