Lu Olo: Gasta Osan Minarai Halo Didiak

Lu Olo: Gasta Osan Minarai Halo Didiak

- in Nasional
342
0
PR Lu OLo

DILI- Prezidente da Republika Francisco Guterres Lu-Olo hateten, osan mina rai nee dehan 16 Bilions maka tau hela iha neeba, tanba nee bainhira atu gasta osan nee, tenke gasta ho didiak, atu nunee povu labele sofre.

Ita tenke haree mos ekonomia, tanba osan mina rai ninian nee dehan katak, 16 Bilions deit maka iha neeba, neebe bainhira atu gasta osan nee, tenke gasta halo didiak, atu nunee ita nia oan ka beioan sira tuir mai labele sofre,” dehan Xefi Estadu, bainhira halo konferensia imprensa ho jornalista sira iha Palasiu Prezidente, Bairu-Pite, Dili, Kuarta (20/06/2018).

Tanba nee Xefi Estadu nee dehan, tempu ida neebe atu hasai osan nee maka foin hasai, labele  soe sai deit osan neebe maka iha.Tanba nee tenke halo jestaun rigorozu ba rekursu sira neebe oituan liu neebe iha, atu nunee oan no beioan sira labele terus.Laos dehan katak, labele hasai osan nee bele hasai, maibe tenke halo jestaun didiak atu lori hadi rai ida nee.

Iha parte ketak Ekonomista Manuel Tilman hateten, osan fundu mina rai neebe maka ita hetan tenke uza ho kuidadu, atu nunee povu bele hetan benefisiu, laos grupu ida ou rua deit maka moris goza fali  osan husi fundu minarai nee lae. Notisia kompletu lee iha jornal STL edisaun Sesta (22062018). Carme Ximenes

Facebook Comments

Leave a Reply

Your email address will not be published. Required fields are marked *