Lu-olo” Estadu Tenke Define Area Intervensaun Relasaun Seguransa Interna

Lu-olo” Estadu Tenke Define Area Intervensaun Relasaun Seguransa Interna

- in Politics
92
0
PR

DILI– Presidente Republika Fransisco Guterees Lu-Olo, hateten estadu tenke define area intervensaun relasaun ho seguransa interna (SI).

Kestaun nee hatoo husi Presidente Republika Fransisco Guterres Lu-Olo, liu husi nian diskursu Kuarta Feira 27/03 wainhira partisipa seromionia aniversario PNTL ba dala 19 inklui mos fo tomada de posse ba Komisario Faustinho Da Costa, No Segundu Komanante Komisario Mateus Fernandes,  iha sentru formasaun akademiko PNTL Comoro Dili hateten,  presiza haree fila fali Timor-Leste nia Estratéjia Seguransa Interna neebé hatuur tuir ita-nia Konseitu Estratéjiku Defeza no Seguransa Nasionál, atu hatudu Forsa no Servisu Seguransa sira-nia knaar iha ámbitu sistema Seguransa Nasionál ida neebé luan liután, tuir prinsípiu servisu hamutuk no tulun malu atu tanen Sistema Defeza Nasionál.

Presidente Republika hateten,  ita tenke hatene saída loos mak ita hakarak, sá Polísia Nasionál  mak ita hakarak harii, sá misaun  mak sira sei halao no sá meius  mak sei fó ba sira atu bele halao  misaun sira-nee.

Estadu tenke define momoos sá área intervensaun mak iha relasaun ho seguransa interna no polísia mak tenke kaer, Objetivu ida nee mak ita hothotu hakarak Atu hetan duni, ita presiza konsensu no atensaun makaas hosi ajente polítiku sira no órgaun soberania hotu-hotu, Ita hakarak halo reforma ba sistema polísia nian tuir ita-nia kondisaun rasik no  haree liuliu ba sidadaun sira maibé  ita presiza  haree mós ba saída mak ita hakarak halo aban bairua.  Saída mak ita sei presiza halo   hodi  hatán ba krime no inseguransa, atu hamenus burokrasia, atu habesik relasaun polísia ho sidadaun sira no hadia relasaun  entre entidade governamentál sira” katak Presidente Republika

Xefi estadu nee hateten Polísia, nuudar forsa seguransa, tenke haree oinsá hasees  kriminalidade no delinkuénsia, Tenke hatudu respeitu ba Direitus Umanus, Tenke hatene hakbesik-an ba komunidade sira no autor sosiál sira, koalia ho sira, hatudu katak preokupa ho ema hothotu ninia seguransa no nunee, bele hetan sira-nia fiar.

Lu-olo hatutan dala barak sempre temi beibeik polisiamentu komunitáriu no polítika  hakbesi-an ba  ema, maibé seidauk halao didiak, tanba nee maka presiza hamosu sentimentu konfiansa entre polísia no sidadaun sira, bele dehan katak sidadaun sira ladún hatene saída loos mak polísia, sá knaar mak Ita-polisia sira halo  no oinsá halao, Modelu polisiamentu preventivu, ho kualidade, tuir prinsípiu hakbesik-an ba ema, mak dalan diak liu hodi hatán ba dezafiu hirak-nee. Notisia kompletu lee iha jornal STL edisaun Sesta (29/03/2019). Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *