Loron Mundial Profesores, Antonio: Profesores Balu Ladun Domina Lingua Portugues

Loron Mundial Profesores, Antonio: Profesores Balu Ladun Domina Lingua Portugues

- in Politics
257
0
antonio-me

DILI-Selebrasaun loron mundial ba profesores, loron neebe importante, tanba nee governu sei buka atu hadia sistema Timor nian ho propriu tanba sistema balu sei opta hela Indonezia nian, no sei nafatin fo formasaun ba profesores sira hodi hadia iha konesementu ba lingua.

Tuir Ministru Edukasaun Antonio da Conceição hatete, ohin nee halao seminariu  koalia kona ba tema  kualidade  de edukasaun i sistema de edukativu  nian, neebe seminariu nee halo para atu orienta liu haree ba esperensia kotuk iha tinan kotuk liu iha Armindu Maia nia tempu, no mos liga buat balu neebe mak  governu sei mellora. Hanesan iha tema neebe opta hela ba sistema Indonezia nian, seidauk hetan Timor nian los ho sistema ida proporiu.

Ami tenta ona atu demonstra fila fali andamentu agora nian kada nivel ensinu neebe vice ministra Dulce mak sei aprezenta kona ba nivel ensinu pre-eskolar no ensinu baziku nian neebe mak lao hela. Aleinde nee mos vice ministru Abel sei koalia kona ba nivel ensinu sekundaria jeral no tekniku vokasional,” katak Antonio.

Nia hatete, nunee mos sei koalia kona ba ensinu superior nian tanba koalia kona ba kualidade edukasaun atu haree dezafiu nee iha neebe i oinsa mak atu hadia. Neebe atu hadia nee hanesan hadia profesores, kurikulu, sistema edukasaun, formasaun ba profesores sira, buat sira nee hotu mak sei sai hanesan problema neebe mak sei deskuti.

Tuir Diretor Eskola Sekundaria Jeral 5 de Maiu Manuel Verdial hatete, haree ba loron mundial profesores sira nian nee importante tebes, tanba loron nee atu hodi hanoin oinsa mos atu buka dalan bele dezenvolve diak liu tan konesementu profesores sira nian. Informasaun kompletu iha STL Jornal no STL Web, edisaun Kinta (13/10/2016). Guilhermina Franco / Jacinta Sequeira

Facebook Comments

Leave a Reply

Your email address will not be published. Required fields are marked *