Loron Adventu Presiza Perdua Malu

Loron Adventu Presiza Perdua Malu

- in Metro
80
0
1604382_1033057823486533_1559829927161377424_n

DILI– Wainhira atu tama ba Loron Natal sei hahu uluk husi loron adventu, loron adventu katak familia idak-idak prepara nia fuan no laran ho mos, no perdua malu hodi hakribi sala, nunee simu loron ksolok natal ho fuan neebe maka nakonu ho domin no paz.

Tanba nee maka iha loron adventu nia laran sarani idak-idak presiza perdua malu karik durante nee iha sala ruma neebe maka halo liu husi liafuan no hahalok ruma neebe maka halo ona ba nia parseriu ka familia ou kolega ruma.

Padre Urbanus Bunga Lolon SVD, hateten loron adventu idak-idak presiza kria paz iha familia no komunidade nian laran, no familia iha uma laran presiza kria unidade iha uma laran no sosiedade mos presiza kria paz hakmatek, atu nunee simu kosok oan Maksoin neebe maka mai ho laran hakmatek, paz iha domin nia laran.

Domin maka riku soin neebe importante liu hotu, tanba nee maka feen laen ou inan aman sira, komunidade presiza kria paz, harmonia iha idak-idak nia fatin,” dehan Pe. Urbanus.

Nunee mos Pe. Joao Suban SVD dehan iha kolega ka familia sira maka mosu problema, presiza perdua malu no hakribi idak-idak nian sala, maibe husu perdua maka parte seluk simu ho oin boot ka la ho laran ida nee nian, importante maka rekoinese sala no husu perdua. Informasaun kompletu iha STL Jornal, edisaun Sesta (21/12/2018). Emerenciana Pinto

Facebook Comments

Leave a Reply

Your email address will not be published. Required fields are marked *