Lori Telemovel Tuda Inan, Oan Sai Arguidu

Lori Telemovel Tuda Inan, Oan Sai Arguidu

- in Nasional
246
0
TTD1

DILI- Arguidu ho inisial MLK tenke hatan iha tribunal, tanba lori telemovel tuda ninia inan rasik ho inisial OPL.

Tuir akuzasaun neebe tribunal lee sai husi Ministeriu Publiku katak, iha loron 13 fulan Junu 2016 iha surikmas  lezada hirus arguidu, tanba loron kalan lanu, no fila tarde hela deit, no halo barulhu iha bairu laran.Iha diskusaun ho karakter eduka nee, halo arguidu la simu, no uza telemovel tuda ba lezada no kona iha lezada ninia ulun too ran.

Haree ba hahalok arguidu nian nee ladiak, arguidu nia alin feto hatoo keixa iha polisia hodi tuir prosesu judisiariu. Ho hahalok arguidu nian nee, Ministeriu Publiku akuza arguidu ho krimi ofensas integridade fisika simples ho violensia domestika, neebe previstu iha artigu 145 kodigu penal, no lei violensia domestika numeru 07/2010.

Hatan ba akuzasaun nee arguidu deklara, faktus neebe iha loos hotu. No arguidu mos arepende ba nia hahalok nee, promete sei la halo tan hahalok nee iha futuru. Iha fatin hanesan, lezada hatete, arguidu halo duni hahalok nee.

Audensia julgamentu nee, preszide husi Juiz singular Ana Paula Fonseca, Ministeriu Publiku reprezenta husi Prokurador Bartolomeu de Araujo, arguidu hetan asistensia legal hosi Defensor Publiku Marcal Maskarinhas. Notisia kompletu lee iha jornal STL edisaun Kinta, (17/05/2018). Terezinha De Deus

Facebook Comments

Leave a Reply

Your email address will not be published. Required fields are marked *