Lori Taxi Online Ilegal, YSL Tama Prizaun

Lori Taxi Online Ilegal, YSL Tama Prizaun

- in Nasional
248
0
TTD1

DILI- Tribunal Distrital Dili Sesta, (14/09/2018) liu husi desizaun primera interogatoriu, aplika prizaun preventiva ba arguidu YSL neebe mai husi nasaun Xina, tanba  halai taxi online laiha lisensa.

Iha primeira interogatoriu nee taka ba publiku, maibe Ministeriu Publiku akuza arguidu ba krime rua, krime Fraude Fiskal iha artigu 314, no krime Dezobediensia hasoru rekizisaun ba bem iha artigu 320 husi Kodigu Penal Timor Leste nian.

Depois halo primera interogatoriu, Tribunal foti iha nia despasu aplika prizaun preventiva ba arguidu, tanba tuir Tribunal nia konvisaun durante nee, arguidu halo nia atividade negosiu liu liu ba halai taxi online, maiba sem lisensa,” dehan Defensor Publiku Juvenal Yanes Freitas ba Jornalista sira iha TDD Sesta, (14/09/2019).

Nia afirma tan, Tribunal konklui katak nia atividade nee, fo prezuizu makas ba estadu, ba mos sosiedade Timor oan sira neebe halo mos atividade hanesan.

Audensia nee, prezide husi Juis Singular Edite Palmira, Ministeriu Publiku reprezenta husi Prokurador Hipolito Santa, arguidu hetan asistensai legal husi Defensor Publiku.Notisia kompletu lee iha jornal STL edisaun Segunda (17092018). Terezinha De Deus

Facebook Comments

Leave a Reply

Your email address will not be published. Required fields are marked *