Lori Rama Ambon CMS Sai Arguidu

Lori Rama Ambon CMS Sai Arguidu

- in Nasional
240
0
TTD1

DILI- Arguidu ho inisial CMS tenke hatan iha tribunal, tanba komete krime armas brankas husi lei numeru 5/2017 artigu rua numeru ida alinea D kona ba lori sasan kroat.

Ho arguidu nia hahalok nee Ministeriu Publiku akuza arguidu ba krime armas brankas husi lei numeru 5/2017 artigu rua numeru ida alinea D kona ba lori sasan kroat.

Hatan ba fatus nee, arguidu deklara katak, loos hotu.

Hau lori duni rama ambon haat ho savenda ida, maibe momentu hau foin mai husi Same, hau mos la hatene problema saida mak mosu iha Taibe Temporal nee, deklara arguidu iha sala julgamentu TDD Tersa, (10/07/2018).

Nia deklara tan, rama ambon nia lori nee mos la iha intensaun ida, tanba iha momentu loron nee nia foin fila husi kasa, nunee kuando nia ba uma arguidu nia primu sira bolu nia atu tun mai DIli, nunee rama ambon neebe bain bain nia lori ba kasa, tau iha bolsu laran nee, arguidu la hasai husi bolsu tun liu mai Dili.

Audensia julgamentu nee, prejidi husi juis koletivu juis prezidente Ivan Suritay, Edite Palmira ho juisa Maria Modesta, Ministeriu Publiku reprezenta husi prokuradora Remizia de Fatima, arguidu hetan asistensia legal husi Defensoria Publika Marcia Sarmento. Notisia kompletu lee iha jornal STL edisaun Kinta (12/07/2018). Terezinha De Deus

Facebook Comments

Leave a Reply

Your email address will not be published. Required fields are marked *