Lori Besi Kanu Baku JG, MP Ameasa Pena Prizaun Tinan 8

Lori Besi Kanu Baku JG, MP Ameasa Pena Prizaun Tinan 8

- in Notisias Online
172
0
TTD1

Dili- Ministeriu Publiku iha loron 18/03/2019 liu husi alegasaun ba krime tentativa homesidu no danu agravadu, solisita ba iha tribunal kolektivu, atu aplika pena prizaun tinan 8 ba arguidu inisial JS, tanba lori besi kanu baku lezadu inisial JG.

Liu husi alegasaun nee, Ministeriu Publiku mantein ho nia akuzasaun ba krime rua neebe imputa ba arguidu, tanba nee laos solisita atu aplika deit pena prizaun, maibe aplika mos indimizasaun ba arguidu, hodi selu osan hirak neebe lezadu lakon, durante halo taratamentu.

Enkuantu husi perte defeza nian, solisita ba iha tribunal atu aplika desizaun neebe justu.

Rona tiha husi parte rua, tribunal adia hikas ba loron 29 fulan Marsu oras tuku 17:00 hodi rona leitura akordaun.

Tuir akuzasaun husi Ministeriu Publiku neebe tribunal lee sai katak, iha loron 18 fualn Julho 2018 iha Manleu oras tuku 10:00 kalan, lezadu sai ba iha liur atu ba soe bee.

Bainhira lezadu sai ba iha liur, testamuna LM neebe hein kios, sei tur hela iha kios oin. Lezadu hase testamuna dehan siedauk toba ga, testamuna mos hatan katak, nia sei estuda.

Bainhira lezadu soe bee hotu, no fila fali mai atu tama ba iha uma laran, maka arguidu lori kedan besi kanu baku iha lezadu nia hasan sorin, kanuruk no mos nia ibun.

Iha fatin hanesan, lezadu mos reforsa tan akuzasaun neebe iha katak, antes nee sira la iha problema. No arguidu derepente deit lori besi kanu baku lezadu, baisa iha hospital semana rua.

Alende nee, testamuna VF deklara katak, iha momentu neeba nia toba hela, hakfodak nia fen ba bolu nia, maibe nia sai mai liur hare sira nia kareta vidru rahun tiha ona.

Testamuna LM mos deklara katak, nia rasik hare arguidu baku lezadu. Maibe nia duni tuir arguidu la konsege kaer, tanba arguidu halai liu tiha.

Audensia julgamentu nee, prezide husi Juis Kolektivu Ana Paula, Euzebio Xavier, Juis Estajiadus, MP reprezenta husi prokurador Renato Bere Nahac, arguidu hetan asistensia legal husi Defensor Publiku. Notisia kompletu lee iha jornal STL edisaun Tersa (19/03/2019).Terezinha De Deus

Komentariu

Facebook Comments

Leave a Reply

Your email address will not be published. Required fields are marked *