LNG Laiha Ligasaun Ho LFP

LNG Laiha Ligasaun Ho LFP

- in Politics
76
0
image003

DILI-Konstrusaun Planta Liquefied Natural Gas (LNG), neebe atu muda husi Beacu ba Natarbora, nee laiha ligasaun ho Lei Fundu Petroliferu (LFP), neebe Prezidente Republika veta.

Dehan Prezidente Parlamentu Nasional Arão Noe (PPN) ba jornalista sira, iha PN, Dili, Tersa (17/12/2019).

Nia hatete, Lei Fundu Petroliferu neebe veta husi Prezidente Republika, parlamentu atu haree maibe hein depois  debate OJE 2020 hotu, mak hahu tama fali ba re-apresiasaun no alterasaun ba lei fundu petroliferu neebe mak PR veta bazeia ba desizaun Tibunal Rekursu.

PR veta LFP, nee mak governu muda projetu LNG husi Beacu ba Natarbora nee lalos, laiha ligasaun, tanba talves iha parte tekniku nian no tuir hau parese tanba fatin Beacu laapropriadu, hatete PPN nee.

Nia esplika, iha Beacu, para atu realiza projetu nee, sei kleur tanba, primeiru tenke muda komunidade sira neebe mak hela iha neeba, besik atus 300 resin no atu hasai tenke harii uluk uma besik atus 3 resin, nunee mos tenke halo eskola, dada bee ba sira. Neebe atu kontrusaun projetu ida nee laos tinan ida deit, maibe sei lori tinan 2 ou 3 mak bele konklui.

Neebe opsaun neebe hau konkorda buka fatin neebe mamuk, laiha populasaun no laiha kustu, laiha mudansa lori temp,  fatin neebe apropriadu atu governu liu husi planu katak 2021 atu konstrui, tenik Arão.

Tuir nia katak, 2021 atu konstrui entaun oras nee tenke prepara situasaun, se mantein iha Beasu bele estudu kompletu ona, maibe nia problema fundamental mak oinsa atu muda populasaun laos tanba osan, tanba atu muda populasaun sira nee sei lori tempu.

Entaun tarjetu 2021 hahu nee seidauk serteza i bele mos iha 2025-2026 mina atu tama Timor nee seidauk  bele tama, tanba sei iha problema atu muda populasaun. Neebe opsaun ida diak liu governu liu husi Timor GAP bele buka solusaun fasil atu fasilita konstrusaun lao lalais no realizasaun tuir kalendariu neebe mak atu dada mina mai Timor nee bele realiza.

Nunee mos Segundu Vise Prezidente Parlamentu Nasional Luis Roberto katak, bazeia ba obras LNG, neebe atu realiza iha Costa sul Beacu, muda ba Natarbora nee desizaun  Xanana Gusmão.

Nia dehan, momentu nee maun boot Xanana tun ba terenu halo dialogu ho komunidade Beacu atu bele simu para konstrui obra refere.

Maibe ita nia komunidade sira, ezije sira nia direitu katak, husu ganti rugi aas liu entaun ita nia Xefe Negosiador Xanana Gusmão, buka fila fali meus seluk, maibe ida nee seidauk klaru, dehan Luis.

Iha parte seluk, reprezentante governu, Sekretariu Estadu Komunikasaun Sosial (SEKOMS) Mericio Akara hatete, nia seidauk iha informasaun, tanba nee labele  komentariu. Sekretariu estadu nee sujere atu media sira komfirma ho Ministru Agio, atu nunee bele fo informasaun. Guilhermina Franco

Komentariu

Facebook Comments

Leave a Reply

Your email address will not be published. Required fields are marked *