Lixu Namkari Iha Lahane Oriental

Lixu Namkari Iha Lahane Oriental

- in Metro
1564
0
Sampah

Dili-Area balu husi Suku Lahane Oriental, Postu Administrative Nain- Feto, Munisipiu Dili  lixu kontinua namkari, tanba komunidade laiha konsensia  tau lixu iha fatin.

Tuir Sekretariu Suku Lahane Oriental Leonor da Costa katak, husi area Lahane Oriental fatin balu foer kontinua namkari, tanba kauza husi komunidade sira soe lixu arbiru. Governu prepara ona fatin halibur lixu hodi fasilita komunidade sira tau lixu iha laran iha laran. Maibe komunidade rasik mak laiha konzensia soe foer iha laran gosta soe fali foer iha liur.

Hau nuudar Sekretaris Suku Lahane Oriental sente lixu barak teb- tebes iha area ida nee, liuliu iha Merkadu laran katak,” Leonor ba STL iha Sede Sucu Lahane Oriental, Segunda (10/7/2017).

Parte seluk Leonor mos rekuinese katak, lixu neebe kontinua namkari iha are Lahanes Oriental, laos deit komunidade sira Lahane mesak mak soe. Maibe dalaruma komunidade sira husi fatin seluk mos lori foer mai soe hotu iha fatin nee liuliu iha fatin lixu neebe governu prepara, tanba nee mak rezulta lixu fatin sira nee foer nakonu lalais deit.

Iha fatin hanesan Jose da Sila Sarmentu nuudar komunidade Lahane Oriental dehan, ekipa halibur lixu husi Munisipiu Dili sempre halo nian knar raut tutuir maibe foer kontinua namkari tanba folume lixu kada loron aumenta ba bebeik.

Hau sente governu prepara ona fatin mais lahatene komunidade mak ladun fo apoiu didiak e dalaruma foer iha komunidade nia leet sira foti ahi hodi sunu,” katak Jose.

Komunidade nee mos rekomenda ba iha parte governu atu kria ekipa ida sai uma tama uma hodi halo sosializasaun kona-ba oinsa ema bele lori lixu ba fakar iha fatin neebe kareta.

Tuir obserbasaun STL iha trenu nota katak, agora dadauk lixu nakonu iha area Suku Lahane Oriental, tanba komunidade sira lakonsiente hodi soe foer arbiru deit. Ida nee fo impaktu ba komunidade sira liuliu parte saude familiar.Est-4

Facebook Comments

Leave a Reply

Your email address will not be published. Required fields are marked *