Lista Pendente, Dalan Naruk

  Lista Pendente, Dalan Naruk

- in Notisias Online, Politics
189
0
b7fc0ac3c01e4d818ffd5c1e9462dc9d_XL

 DILI-Lista pendente membru governu nain 9 neebe seidauk hetan pose husi Prezidente Republika, sei iha dalan naruk atu hetan solusaun, maske mandatu besik hotu ona.

Tuir Deputadu Bankada PLP, Francisco Vasconselus,  estrutura governu Aliansa Mudansa ba progresu, deside ona entrega ba governu, tanba ida nee  komptensia governu ho prezidente da republika nian.

Naturalmente ida nee sai preokupasaun ba sidadaun sira tanba ita hatene katak governante neebe mak mai tenke mai ho niaa estrutura  kompletu mais narealidade ita nia situasaun katak, prezidente mantein nia pozisaun, dehan Vasconselos ba STL iha PN, Segunda, (23/12/2019).

Nia informa iha konferensia AMP dehan tiha ona katak AMP mantein lista, lista neebe  AMP hili nee seidauk troka, sei mantein nafatin no sei la troka lista nee.

Iha sorin seluk Deputadu Bankada PN Antonio da Conceicão dehan, atu kompleta estrutura VIII governu. Publiku presiza rona informasaun katak estrutura governu kompleta presiza tebes hodi fasilita debate no halo ezekusaun ba OJE.

Besik tinan 3 ona ita lao situasaun hanesan nee nafatin, neebe ita tenke onestidade ba malu katak situasaun nee labele kontinua bei-beik, tenik Antonio.

Nia hatutan povu presiza dezenvolvimentu, ohin loron bai-loro naruk, iha fatin barak mak laiha bee mos, populasaun sira lao loro manas, dudu ai-maran, leba aifuan tun sae, tenke hare situasaun sira nee.

Deputadu PD nee hatutan labele estudu mikro ho makro katak modo folin nee larelevante, tanba realidade moris nee povu sira nian hatudu hela katak sira sei iha tristeza.

Nia enkoraja orgaun soberanu sira atu kompleta estrutura para bele ezekuta OJE hodi fo apoiu  ba prosesu dezenvolvimentu, tanba ida nee mak objetivu komum.

Antes  nee  Deputadu Francisco Branco husi Bankada Fretilin dehan,  impase politik nee lao tinan rua ona, tanba nee husu ba lider boot sira atu tur hamutuk hodi koalia, tanba rekursu umanus iha AMP sei barak, labele depende deit ba ema nain 9 neebe maka Prezidente la fo pose. Luciana Ximenes/Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *