Lista Kandidatura Elpar Uza Sistema Fechada

Lista Kandidatura Elpar Uza Sistema Fechada

- in Nasional
673
0
Partidu

DILI – Durante nee lista ba kandidatura husi Partidu Politiku (Parpol) sira be Eleisaun Parlamentar (Elpar) seidauk halo publikasaun, tanba uza sistema lista fechada.

Informasaun nee hatoo husi Deputadu Bankada CNRT Arao Noe hatete, haree ba lista parpol sira nian ba kandidatura iha Elpar nian nee too agora seidauk halo publikasaun, nee tanba tuir lei haree ba kandidatura nee ema bolu lista fechado, neebe kandidatu sira nee neebe mak tama lista partidu mak kandidata, ou sira  kandidatu nee reprezenta partidu.

Haree ba Sistema nee, Sistema fechada tanba nee, too agora lista seidauk halo publikasaun, maibe sei publika iha tempu ida neebe mak kuandu halao tiha eleisaun liu,” katak Arao ba STL liu husi via telefone Kinta (13/07/2017) iha Surik-Mas.

Nia hatete, nia haree CNE, no Stae, Tribunal Rekursu sira hatene kona ba ema se mak tama lista parpol sira ba Elpar nee, maibe kuandu lafo sai iha publiku tanba nee bazeia ba Sistema neebe mak lista fechada lapresiza publika sai tanba ida nee komprimisiu entre partidu ho kandidatu sira neebe mak tama iha lista i ofisializa husi tribunal rekursu neebe ke halo aprovasaun ba lista i nunee mos hanesan ho CNE ho STAE.

Iha parte seluk Sekretariu Jeral Partidu Demokratiku (PD) Antonio da Conceicao (Kalohan) hatete, kona ba publika lista kandidatura nee, komptensia CNE ho tribunal nian mak bele haree ba asuntu ida nee, tuir partidu ida-idak sertamente halo tiha ona lista hodi hatama.

Entretantu Prezidente Partidu Frenti Mudansa Jose Luis Guteres (Lugu) hatete, kona ba atu publika lista kandidatura sira nee laos husi parte sira nian. Maibe ida nee husi parte, CNE, Stae, inklui Tribunal. Guilhermina Franco

Facebook Comments

Leave a Reply

Your email address will not be published. Required fields are marked *