Lista Governante KKN Nain 2 Troka Ona

Lista Governante KKN Nain 2 Troka Ona

- in Nasional
470
0
IMG_2138

DILI- Lista kandidatura membru governante neebe maka deskonfia komete iha kazu KKN, Primeiru Ministru Taur Matan Ruak troka ema nain rua hanesan Marcos da Cruz ho Gastau de Sousa.

Primeiru Ministru Taur Matan Ruak hateten, konaba lista ba membru sira neebe seidauk toma pose, Primeiru Ministru sei kontinua halo diskusaun ho Prezidente da Republika para hetan solusaun ida.

Ami troka tiha ona nain rua, Ministru Planiamentu no Investimentu Gastao Sousa, lista uluk nian dadauk nee laiha, ida seluk maka Marcos nia Vise Ministru ba Agrikultura e Peska, nee mos subtitui neebe troka fali sira seluk, mais ami sei diskuti nafatin,” dehan PM TMR, ba jornalista sira hafoin remata inkontru ho Prezidente da Republika Francisco Guterres Lu Olo, iha Palasiu PR Nicolau Lobato, Tersa (10/07/2018).

Nia hateten, situasaun nee sei lafo implikasaun ba estabilidade nasional, tanba nia hanesan Primeiru Ministru, hamutuk ho Prezidente da Republika, Parlamentu Nasional, no povu tomak iha komprimisiu ida deit, atu hamtin estabilidade nasional.

Iha parte ketak Ministru Reforma Lejislativa no Asuntus Parlamentares, Fidelis Magalhaes hateten, VIII Governu Konstitusional solidu no iha apoiu tomak husi partidu tolu neebe hola parte, iha governu ida nee, Oitavu governu mos hetan apoiu maximu husi Ministru Konsileiru Xanana Gusmao. Notisia kompletu lee iha jornal STL edisaun Kuarta (11/07/2018). Carme Ximenes

 

Facebook Comments

Leave a Reply

Your email address will not be published. Required fields are marked *