Lisensiadu Barak, Kampu Servisu Laiha

Lisensiadu Barak, Kampu Servisu Laiha

- in Politics
48
0
images (3)

Editora: Carme Ximenes

DILI– Kada tinan, Universidade iha rai laran produs lisensiadu barak, maibe kampu  servisu laiha, tanba depende makas ba setor publiku.

Dehan Diretor Ezekutivu HAK,  Manuel Monteiro ba STL, iha nia knaar fatin, Farol Dili, Kinta (09/01/2020).

Ita preokupa tanba kada tinan, Universidade produs sarjana barak, maibe kampu servisu laiha, tanba dala barak sarjana sira nee depende makas ba setor publiku, nia dehan.

Manuel hatete, Lolos nee lisensiadu  sira kria kampu servisu ba  nia aan laos hein governu. Tanba Universidade produs ema atu kria servisu ba ninia aan no  servisu ba ema seluk.

Iha parte seluk reprezentante povu iha uma fukun Parlamentu Nasional,  Deputadu Antonio da Conceição hatutan,  problema neebe durante nee Timor oan sira infrenta mak dezempregu.

Tanba tuir nia katak, kada tinan Universidade privadu no Universidade estadu nian produs ona sarjana  barak tebes,  maibe servisu ba sira susar tebes.

Nia dehan,Timor oan barak remata tiha sira nia estudu, ba buka servisu iha ema nia rai hanesan Inglatera,  Australia no Korea.

Ita rona promesa governu dala-8 nian,  dehan sei kria kampu servisu ba ema rihun 6 kada tinan,  maibe realidade ukun tinan rua ona  no orsamentu   aprova dala tolu ona, maibe realidade ema la haree, nia hatete.

Nia afirma tan katak,  lolos nee sarjana sira neebe produs iha rai ida nee,  labele sai tan ona ba rai liur, sira nee tenke metin iha rai laran, atu nunee bele dezenvolve diak liu tan rai ida nee ba ba oin ho diak, maibe realidade husik sira kontinua sai ba ema nia rai.

Nunee mos Mateus de Araujo (emprejariu lokal) hatutan, setor privadu hanesan parseiru governu nian,  maibe setor privadu labele kria kampu servisu ba Timor oan sira,  tanba setor privadu mos depende makas ba iha setor  publiku.

Ami labele kria kampu servisu ba ita nia joven sira ho tempu neebe  permanente,  tanba setor privdu barak depede ba setor publiku,  maibe iha setor privadu balun neebe hanoin diak hodi investe iha area hotelaria, negosiu no sira seluk, dehan nia.* Mateus salienta.

Madalena Horta/Jacinta Siquera

Komentariu

Facebook Comments

Leave a Reply

Your email address will not be published. Required fields are marked *