Lisensa Maternidade La Iha Pagamentu

Lisensa Maternidade La Iha Pagamentu

- in Metro
537
0
Saude

DILI– Tuir peskija neebe halao husi fundasaun Alola, lei laboral neebe iha seidauk implementa ho diak. Nunee peskija neebe sira halao iha municipiu balu, indentifika iha inan isin rua balu la hetan salariu bainhira lisensa maternidade.

Tuir Diretora Fundasaun Alola, Alzira Dos Reis Siqueira katak, sira halao peskija dala rua ona, iha 2011 no 2014 no lansa iha 2015. Husi peskija nee haree liu ba situasaun feto traballador iha setor privadu. No faze segundu halo peskija iha Oecusse no Suai, rezultadu hatudu lei laboral seidauk implementa ho diak.

Lei nee seidauk implementa ho diak, nunee inan isin rua bainhira hetan lisensa ba maternidade laiha pagamentu, tanba troka husi ema seluk. Nunee bele dehan violasaun ba lei traballu nian ejiste nafatin iha neeba. Ami mos halo peskija konaba kompania neebe fo lisensa ba inan sira, atu fo susu oan, tanba inan partus hotu fulan 3 nia tama servisu nunee, tenke fila hodi fo susu oan dala rua iha loron ida. Maibe tuir peskija neebe halao, inan feton sira dehan, sira seidauk hetan dieritu atu fila ba uma hodi fo susu nia oan, nunee fo impaktu ba labarik nia saude no nutrisaun nia,” hateten Alzira ba STL iha fundasaun Alola, Tersa, (09/05/2017).

Nia hatutan, direitu balu neebe inan sira la hetan, hanesan servisu liu oras maibe, la hetan pagamentu, tanba kompania sira nia hanoin ida nee, parte husi sira nia servisu. Liu husi peskija nee hatudu, feto maluk balu moe atu hatoo sira nia problema hanesan VD. Sira tauk atu hatoo, tanba, sira la iha servisu. Bainhira hatoo, nia kaben la tau matan ba sira, se mak sei hare nia oan sira, nunee tenke sakrifika nia an.

Nia husu ba SEFOPE bainhira halo inspesaun aktuabilidade tenke ho responsabilidade, tanba iha Timor Plaza feto maluk balu mate, nee presija iha regulamentu neebe forte ba kompania hodi halo prosesu. Para nunee kompania estranjeiru neebe iha Timor bele halao servisu tuir lei neebe iha. Terezinha De Deus

Facebook Comments

Leave a Reply

Your email address will not be published. Required fields are marked *