Lisabutak Husu Governu Hapara Ke’e Fatuk

Lisabutak Husu Governu Hapara Ke’e Fatuk

- in Metro
483
0
19665283_1548169015206755_8726799509036378241_n

DILI— Komunidade Aldea Lisabutak, Suku Manleuana, husu ministeriu kompetente hapara Kompania Faranek CO. LTD ke’e fatuk iha area Beduku.

Komunidade Lisabutak Antonio dos Santos dehan, kuandu ke’e bebeik fatuk iha neba, sira sente fo ameasa ba sira nia vida bainhira udan. Laos deit ke’e fatuk maibe mos suru raihanek iha neba. Tanba nee husu ba ministeriu kompetente presiza halo intervensaun lalais.

Durante kompania refere ke’e fatuk iha Beduku, fatuk neebe sira ke’e monu no taka dalan Manleuana ba Aileu. “Ami husu governu halo lalais intervensaun ba kompania neebe ke’e fatuk iha ami nia area, tanba bele fo impaktu ba ami iha tempu udan,” hateten Antonio dos Santos iha Beduku, Kuarta (18/10/2017).

Husi fatin seluk, Xefi Suku Manleuana Jacob Tilman Soares dehan, autoridade Suku Manleuana hamutuk ho Ofisial Polisia Suku (OPS) tun direita ona ba fatin ke’e fatuk. Husu kompania hapara ke’e fatuk maibe kompania lakohi rona, kompania ke’e nafatin fatuk.

Ami ba ona iha neeba maibe kompania lakohi rona ami. Aktividades ke’e fatuk nee mos sei fo impaktu ba tower elektrisidade iha foho leten,” dehan Jacob.

Nia husu ba governu, liliu ba ministeriu kompetente, atu halo intervensaun lalais ba aktividades ke’e iha Beduku.

Entertantu, Xefi Operasaun Elektrisidade Timor Leste (EDTL) Domingos da Costa hateten, nia haruka ona ekipa tekniku ba fatin ke’e fatuk hodi identifika tower neebe ameasas atu monu. Estajiadu-4

Komentariu

Facebook Comments

Leave a Reply

Your email address will not be published. Required fields are marked *