Limpeza Simbolu AM Presiza Kooperasaun

Limpeza Simbolu AM Presiza Kooperasaun

- in Metro
224
0
Sampah

DILI-Regulamentu kona-ba limpeza simbolu Arte Marsiais (AM) iha fatin publiku komesa implementa ona husi fatin balu maibe, sei presiza kooperasaun servisu husi autoridade lokal.

Komandante Operasaun Polisia Nasional Timor-Leste (PNTL), Superientendente  Xefe Polisia, Henrique da Costa hatoo kestaun ba jornalista sira  iha Jel Vila, Segunda (11/9/2017).

Tuir Henrique katak,  regulamentu ba limpeza simbolu arte marsiais husi fatin  balun implementa ona no balun seidauk implementa. Tanba nee, presiza kontribuisaun husi autoridade lokal atu nunee  bele agrantia prosesu limpeza simbolu AM husi fatin hotu-hotu.

Ita laos ba hamos lori bee mak hamos  deit too ona maibe, ita presiza tinta, presiza apoiu  atu nueee ita bele ba halo servisu ho masimu,” katak Henrique.

Atu halo limpeza ba simbolu ka emblema eis arte marsiais laos polisia mesak mak implementa maibe presiza kooperasaun ho prezidente autoridade munisipiu no mos administrador do postu sira tanba nee presiza matrial hanesan tinta.

Tanba dalaruma polisia  tun halo limpeza  maibe matrial sira nee seidauk kompleta polisia mos ladauk  bele implementa. Maske nunee nia fiar katak iha fatin balun operasaun ba limpeza atributu AM lao hela.

Iha sorin seluk Segundu Komandante PNTL Munisipiu Baucau, Superientendente Assistente Polisia, Joni Viana dehan, bainhira lei arma branka nee sai sira komesa halo sosializasaun ona hamutuk ho autoridade lokal hodi  limpeza  ona simbolu eis arte marsiais  neebe hakerek iha parede.

Tanba nee husi Munisipiu Baucau bainhira lei nee sai polisia  hamutuk ho autoridade lokal  halo  esforsu rasik sosa  tinta  hamos  emblemaa arte marsiais iha Munisipiu Baucau laran.

Nunee mos Komandante Eskuadra PNTL Laga, Sarjentu Polisia, Duarte Belo dehan, parte polisia Eskudra Laga no autoridade lokal iha ona koordenasaun de servisu hafoil lei nee sai.

Prosesu sosializasaun mos lao dadaun inklui limpeza ba simbolu ka emblem arte marsiais mos lao dadau.

Aleinde halo sosializasaun ho limpeza simbolu AM, Ofisial Polisia Suku (OPS) ho lider komunitaria mos  nafatin fo informasaun ba komunidade sira sobre regulamentu AM. Lucia Ximenes

Facebook Comments

Leave a Reply

Your email address will not be published. Required fields are marked *