Lideres Nasional Apoiu Alkatiri Sai PM

Lideres Nasional Apoiu Alkatiri Sai PM

- in Politics
323
0
1604382_1033057823486533_1559829927161377424_n

DILI- Lideres Nasional hanesan Jose Ramos Horta, Rogerio Tiago Lobato no Abilio de Araujo fo apoiu total ba Sekretariu Jeral Partidu Fretilin, Mari Alkatiri atu sai Primeiru Ministru hodi xefia VII Governu Konstitusional ba tinan 5 nia laran.

Tuir Eis Prezidente Timor Leste, Jose Manuel Ramos horta katak ohin (13/09/2017) marka prezensa ami nain tolu, hau, Rogerio Tiago Lobato no Abilio de Araujo nian prezensa iha sede Comite Central Fretilin (CCF) hodi hatudu komitmentu makaas no todan atu kolabora no apoiu makaas Dr.Mari Alkatiri atu sai Primeiru Ministru hodi lidera VII governu konstitusiona.

Ohin ami nain tolu, hau, Rogerio Tiago Lobato no Abilio de Araujo nia prezensa iha sede CCF nee, hodi hatudu komitmentu makaas no todan atu kolabora apoiu ba governu neebe Dr. Mari Alkatiri atu lidera,” dehan Jose Ramos Horta, ba jornalista sira, iha ninia diskursu badak molok asiste Asina Pakta Koligasaun iha sede CCF, Kuarta (13/09/2017).

Premiadu Nobel da Paz nee pronunsia katak prezensa sira nain tolu nian hanesan simboliku tebes-tebes neebe maka desde uluk hamutuk iha 1974/1975 kedas. Tanba nee, mak prezensa iha CCF nee hodi tane Dr.Mari Alkatiri nuudar Sekretariu Jeral Fretilin, maske hasoru difiikuldades oin-oin, lori partidu manan iha eleisaun parlamentar 2017 too forma governu.

Tuir buat neebe hau nia esperiensia, tinan haat nulu nia laran, sei iha forma no rede kompletu neebe hanesan rede neebe hau iha kontaktu iha mundu nee, hanesan governu, sosiedade sivil, akademiku, intelektual, setor bisnis iha mundo nee, apoia governu foun ida nee,fo apoiu makaas garante estabilidade nafatin,I dezenvolvimentu ba rai ida nee, tantu Dr. Mari Alkatiri bele iha konfiansa, nune fatuk ida hau sei la fila atu apoiu no tane governu ida nee”dehan Jose Ramos Horta.

Iha fatin hanesan fundador nasaun, Abilio de Araujo katak “Hau mai iha nee hau fo hau nia testemuna protidaun atu fo apoiu ba governu neebe kamarada Mari Alkatiri lidera. Tanba hau hare katak tinan lima mai oin nee presija governu ida neebe estavel, dura no tenpu preparasaun ba jerasaun foun nian.

Tanba, tempu ona ba jerasaun foun atu bele hatutan servisu neebe hahu iha 1974/75 neebe maka beila sira hahu uluk ona. Maske atu forma setimu governu ida nee iha difikuladades barak mosu maibe Dr. Mari Alkatiri ho partidu Fretilin rasik halo ona esforsu atu governu nee bele lao oin.

Tanba nee ohin hakat mai hanesan lideransa ida hodi hatudu responsabilidade atu fo korajem no apoiu total ba Kamarada Mari Alkatiri Lidera setimu governu konstitusional. Nuneefo korajem mos ba partidu demokratiku hanesan partidu ida neebe maka Fretilin nia oan sira mos neebe mak dehan ba o maubere o hau prontu atu serbi o.

Hau fiar neneik neneik ita nia povu no sosiedade sei fo apoiu gradual no esperansa ba governasaun mai nee,ida nee maka hau nia esperansa I sei buka fo hau nia kontribuisaun iha tempu badak mai nee tanba fo parabens ba PD tanba iha ona vontade I korajem atu partisipa no ba Fretilin Vencer no A luta Kontinua,”dehan Abilio.

Entertantu tuir lider istoriku, Rogeiro Tiago Lobato hateten husi ninia parte foapoiu makaas ba partidu PD neebe hakarak lao hamutuk ho Fretilin,liu-liu fo apoiu ba Sekjer Mari Alkatiri hanesan apoiu ida neebe lalika tan deskute liu husi momentu difisil. Bainhira halo tiha eleisaun Prezidensial no eleisaun Parlamentares partidu neebe mak liu kuatru bareira liliu partidu mais votadus hamutuk hamutuk ho nia aliadu seluk atu forma governu atu servi rai nee.

Apoiu makaas ba partidu PD neebe hakarak lao hamutuk ho Fretilin,liu-liu fo apoiu ba Sekjer Mari hanesan apoiu ida neebe lalikan tan deskute,liu husi momentu defisil,tamba nee hau hahi ho valor tomak pozisaun partidu PD nian neebe sempre husi primeiru too agora hakarak apoiu Fretilin atu kaer ukun”, dehan Rogerio.

Nia hateten,Demokrasia maka ida nee, maske iha governu balun tun, balun sae fali ida nee maka hanaran demokrasia. Mesmu Fretilin manan ho maioria simples nia tenke ukun, tenke ukun junta forsa ho partidu neebe maka hakarak hamutuk hodi forma governu atu bele halo dezenvolvimentu iha rai laran hodi lao ba oin.

“Iha fatin nee ami nain tolu maka tuur hamutuk lembra fila fali iha loron 4 fulan Dezembru 1975, sai ba rai liur hodi halao misaun Fretilin nian,iha momentu neebe hau sei lembra liafuan Kamarada Nicolau Lobato dehan imi ba liur buat ruma akontese ba ami karik, imi sira nee bele halo buat ruma atu mundu labele haluha ita nia luta”dehan Rogeiro. Maria Lay/Carme Ximenes

Facebook Comments

Leave a Reply

Your email address will not be published. Required fields are marked *