Lideransa Presiza Tuur Hamutuk

Lideransa Presiza Tuur Hamutuk

- in Politics
233
0
download (4)

Editor: Godinho Barros

DILI— Lideransa sira presiza tuur hamutuk hodi solusiona impase politika rai laran, tanba povu sofre ona ba impase.

Koordenador EBF no 4 Culu-Hun Domingos da C. Magno ba STL iha knaar fatin Culu-Hun Kuarta (12/02/2020).

Nia hatutan impase politika agora lao hela, maibe nuudar edukador kontinua halao knar no prosesu aprendizajen lao nafatin hanesan bain bain.

Ami husu ba lideransa sira bele tau ideia hamutuk, mesmu ideia la hanesan hodi  hadia ita nia nasaun Timor Leste, dehan Domingos.

Nia relata impase politika neebe iha  afeta tebes ba ekonomia povu nian iha rai laran, nee implika mos ba estudante sira, tinan kotuk inan aman sira fo osan ba oan, maibe ho impase politik ida nee estudante sira la kaer osan.

Iha fatin seluk Diretor Ensinu Sekundariu Jeral (ESJ) Nobel Da Paz Pedro Nunes Manezes dehan, impase politika bele dada naruk ba, maibe prosesu aprendizajen kontinua lao, so problema professor sira liu liu salariu profesor kontratadu atraza oituan.

Tanba atraza profesor sira ba eskola hodi hanorin hasoru difikuldade tebes, tanba transporte, dehan Pedro.

Nia informa mesmu impase politika, seidauk rona novidade ruma husi governu katak, eskola hotu hotu paradu tanba impase.

Diretor Eskola nee husu  estadu liu-liu lideransa sira atu  tuur hamutuk rezolve impase politika tanba povu oras nee hahu hadia aan.

Povu  moris iha estadu nia liman, maibe lasignifika governu atu fahe deit osan ba povu, povu harakak nasaun hakmatek para bele  hadia moris  liu husi pineira raihenek, faan modo no seluk tan, komenta Pedro.

Alende nee Jorge Soares (komunidade)  hatete, impase politika nee halo  povu terus no la sente hakmatek, povu atu halo buat hotu tenke ho osan, krize atual halo povu moris  difisil.  “Pineira raihenek, faan modo se mak sosa, se osan laiha, sasan sira nee folin kuandu iha atividade dezenvolvimentu lao,” tenik Jorge. ESTI 08

Komentariu

Facebook Comments

Leave a Reply

Your email address will not be published. Required fields are marked *