LH Konsidera Governu Laiha Planu Diak

LH Konsidera Governu Laiha Planu Diak

- in Economics
1347
0
ONG

DILI – Sosiade Sivil Lao Hamutuk (LH) konsidera VI Governu, durante sira nia mandatu la susesu tanba planu mak la diak, durante nee sira fo proridade liu ba kompania no ema elit sira.

Diretor Ezekutivu Lao Hamutuk Juvinal Dias hateten, atijimentu governu ida nee mai husi planu ida no planu inisiu mak diak, otomatikamente bele atinji rejultadu neebe diak.

Hau hanoin katak Primeiru Ministru agora tenke alkansa nia programa diak atu bele liberta povu, tanba haree husi makro ekonomia governu nee falla tanba sira nia planu fraku no fo benefisu deit ba ema elit sira nomos kompania nain sira automatikamnete labele fo benefisu ba povu,” dehan Juvinal ba jornalista sira iha hotel Novu Turizmu horsehik.

Tuir opiniaun LH klaru katak governu ohin loron sedauk atiji espetasaun povu nian no sedauk konsege liberta povu husi kiak nomos sedauk kria kampu traballu hodi fo servisu ba Timor oan sira.

Ami nia hanoin katak planu sira nee presiza revizaun tanba osan barak aloka ba iha projeitu bot no nia susesu mak gasta osan ba projetu bot la tranparante maibe kontratu barak,”tenik nia.

Iha parte seluk mos nia dehan, governu nee sedauk promove liberdade espresaun nunee mos ho dezenvolvmentu neebe igual no eksluzivu tanba nee sira presiza hadia tan buat barak labele hanoin mak gasta osan deit.

Nia dehan, iha kampu mina nian iha fatin balun maran ona, ida nee iha tendensia katak mina rai sei hotu no osan bele la iha, governu laos atu gasta deit osan presiza hadia. Haree ba iha produsaun agrikultura menus, ida nee hatudu kataka sira la atinji sira nia tarjetu no ema barak sedauk iha servisu, signifika governu ida nee la susesu governu nee so susesu mak impresta osan hodi halo estrada no susesu mak fo kontratu ba kompania sira maibe atu liberta povu governu dok husi ida nee.

Iha sorin seluk Obsevador Politik iha Univesidade Nasional Timor Leste (UNTL) Camilo Ximenes dehan, Kintu governu mai too sestu governu bele dehan prosesu dezenvolvimentu barak mak lao e barak mos la dun lao.

Nia mos foti kestaun estarda Bemori neebe too oras nee abandona hela, no oras nee transporte publiku husi dirasaun Bebora ho marka zero 01 la uteliza estrada iha area refere.

Hau akompania husi kintu governu too sestu governu, estrada iha area Bemori nia mikrolet zero 01 la pasa iha neeba, signifika la iha planu, neebe governu halo servisu mak la seriu,” dehan Camilo.

Nunee mos Komunidade Bemori Francisco da Costa Soares dehan estrada ida nee kuaze tinan rua ka tolu abandona, govenru la iha seriedade atu kontrola.

“Ami bele dehan governu la iha seriedade atu kontrola tanba estrada ida nee hahu insiu kinto governu maibe too agora estrada nee abandona hela, ita koali dezenvolve maibe dezenvolve nee rohan deit,” dehan Francisco. Lucia Ximenes

Facebook Comments

Leave a Reply

Your email address will not be published. Required fields are marked *