Lere: Problema Barak Liu Fali Dezenvolvimentu Nasional

Lere: Problema Barak Liu Fali Dezenvolvimentu Nasional

- in Nasional
229
0
STL

DILI- Xefi de Estadu Maior Jeneral Forsas Armadas, Major Jeneral Lere Anan Timor hateten, Nasaun Timor Leste foin ukun, maibe problema barak liu fali duke dezenvolvimentu nasional.

Timor Leste nasaun ida neebe kiik, nasaun ida neebe kiak, nasaun ida neebe ke foin ukun an, maibe problema barak liu fali ita nia dezenvolvimentu nasional, neebe politiku sira barak iha nee dala ruma kritika dehan  hau tama ba area politiku, hau tama area politiku duni, maibe hau latama politika partidariu ,” dehan Jeneral Lere, liu husi diskursu, iha seremonis tomada depose ba Brigadeiru Jeneral Falur Rate Laek, Iha Palasiu Prezidente Nicolau Lobato, Dili, Segunda ( 01/10/2018).

Nia dehan, Lere kolia politika konaba estabilidade nasional, laos kolia politika atu fahe ema,ida nee mak  politiku sira tenke hanoin didiak, labele desakredita Lere, tanba Lere mos nudar Gulileiru no nudar lider nasaun ninian neebe asumi lideransa desde 1975 to 1999 no 1999 to ohin loron.

Maske nunee jeneral Fitun Rua nee hateten, Politiku bele oinsa mos hanesan Forsa Armadas tenke firmeza nafatin, hodi hametin paz no unidade nasional entre lideransa sira.

Iha parte ketak Jose da Silva hanesan observador nasional hateten, Dezenvolvimentu atu lao ba oin   xave neebe importante mak paz no estabilidae, maibe bainhira paz no estabilidade laiha mak dezenvolvimentu mos sei lalao ba oin ho diak.

Entretantu Manuel Magno nudar observador nasional hateten, Bainhira nasaun ida nee atu lao diak ba oin lider sira tenke hamutuk, maibe bainhira lider sira fahe malu hela deit mak nasaun nee ninia dezenvolvimentu neebe mak trasa ona mos sei labele implementa ho diak, dehan Manuel. Informasaun kompletu iha STL Jornal Edisaun, Tersa (2/10/2018). Carme Ximenes

Komentariu

Facebook Comments

Leave a Reply

Your email address will not be published. Required fields are marked *