Lere Preokupa Lider 1975 Laiha Konsensu Politika

Lere Preokupa Lider 1975 Laiha Konsensu Politika

- in Nasional
362
0
Lere

DILI – Xefe Estadu Maior Jeneral Falintil Forsa Defeza Timor-Leste (F-FDTL), Maijor Jeneral Lere Anan Timur husu ba lider politiku Primeira Jerasaun hanesan Xanana Gusmao, Mari Alkatiri no Ramos Horta, hodi hatudu konsensia hodi fo serteza ba formasaun governu.

Tuir Lere katak dadaun nee situasaun politika rai laran halo populasaun ka komunidade sente tauk, kauza husi situsaun politika neebe lao dadaun nee, tamba lider husi 1974 no 1975 la iha konsesu.

Kestaun sira nee lori ba ita nia lider sira primeira jersaun, hau nudar lider neebe iha segunda jersaun neebe maka iha 1981 nian hanesan membru komite sentral Fretilin nian, maibe hanesan ita nia Maun Xanana, Maun Mari, no Maun Ramos Horta ema neebe Primeira Jersaun ba prosesu libertasaun Timor-Leste nian, sira nee maka tenke iha konsensu no sira tenke toma konsensia katak krize hotu hotu neebe maka Timor atraveza laos simples populasaun maka halo  sira lider sira maka halo, tamba nee maka lider sira tenke toma konsesia,” dehan Lere ba Jornalista sira hafoin remata enkontru ho Prezidente Republika Francisco Guterres Lú Olo, iha palasiu Prezidensia Nicolau Lobato, Bairru Pite, Kuarta (8/11/2017).

Lere husu povu liu-liu ba joven sira kontinua hakmatek ba situasaun sira neebe dadaun nee lao, husik lider sira resolve problema politika.

Hatan ba kestaun nee Prezidente Republika Francisco Guterres Lú Olo, Lere kontinua husu nafatin ba parte Segurasa liu-liu PNTL no parte F-FDTL mantein segurasa no garantia estabilidade.

Iha sorin seluk Direktur Exekutiva FONGTIL Arsenio Perreira konsidera esforsu Prezidente Republika atu halo dialogu ho lideransa nasional hanesan Xanana Gusmao no Taur  Matan Ruak  hodi solusiona kestaun politika neebe lao dadaun nee. Natalino Costa

 

Facebook Comments

Leave a Reply

Your email address will not be published. Required fields are marked *