Lere: “Forsa Tenke Banati Tuir São Miguel”

Lere: “Forsa Tenke Banati Tuir São Miguel”

- in Politics
104
0
STL

DILI-Instituisaun Falintil-Forsa Defeza Timor-Leste (F-FDTL) realiza misa ba loron São Miguel Arcanjo, neebe sai hanesan mahein ba intituisaun refere.

Iha intervista, Xefe Estadu Maior Jeral, F-FDTL, Maijor Jeneral Lere Anan Timur hatete, intituisaun F-FDTL komemora loron padroeira ba São Miguel Arcanjo. Tan nee, nia husu atu membru sira tenke banati tuir hahalok São Miguel neebe brani funu hasoru diabu sira.

Ami hili São Miguel Arcanjo hanesan ami nian paradeiru tanba nia hanesan funu nain ida hasoru diabu, imi haree iha estatua nee nia sama diabu nia ulun fatuk, entaun quero dizer forsa mos tenke banati tuir nia, sama mos diabu sira nia ulun fatuk,” hatete Lere wainhira remata misa selebrasaun ba mahein São Miguel Arcanjo, iha Kuartel F-FDTL, Fatuhada-Dili (13/12/2018).

Nia hatutan, iha Timor diabu mak se, sira neebe lakohi ukun an, sira neebe hakarak runga ranga hodi halo problema, ida nee mak diabu ba Timor. Tanba nee mak haree ba São Miguel Arcanjo nia brani, F-FDTL hili nia sai hanesan mahein ba Intituisaun ida nee, nunee mos sai hansan aman sarani.

Enkuantu misa ba mahein São Miguel Arcanjo nee prizide husi Bispo Dioseze Dili Dom Virgilio do Carmo da Silva, akompana ho padre Kapelaun F-FDTL, Tanente de Infantaria, Rui Filomeno de Jesus Gomes, Padre Paroquia Santo Antonio Motael, Pe. Guilhermino da Silva no Padre Paroqia São Tiago Hera, Pe. Jose Tacain, No partisipa husi Xefe Estadu Maior F-FDTL, Maijor Jeneral Lere Anan Timur, Brigadeiru Falur Rate Laek, no superior sira husi F-FDTL, familia sira nunee mos, Komandante jeral PNTL, Komisariu Polisia, Julio da Costa Hornay. Informasaun kompletu iha STL Jornal, edisaun, Sesta (14/12/2018). Lucia Ximnes/Geovania Silva

Facebook Comments

Leave a Reply

Your email address will not be published. Required fields are marked *