Lere: Forsa Tenke Asegura Dignidade iha Sosiadade

Lere: Forsa Tenke Asegura Dignidade iha Sosiadade

- in Nasional
866
0
Lere

HERA – Xefe Estadu Maior Jeral Forsa Defeza Timor- Leste (F-FDTL) Maijor Jeneral Lere Anan Timur husu ba forsa komponente naval atu rai tiha vida hahalok aat iha liur, ho nunee bele tau aan no asegura dignidade nudar ema forsa iha sosiadade nian leet.

Apela nee Lere hatoo liu husi nian deskursu bainhira partisipa seremonia Komemorasaun    Ejistensia Komponente Naval ba Dala 16, neebe maka halo iha komponente naval Hera, Sesta (12/1/2017).

Hau lakohi rona tan ema hanaran forsa nee oin-oin tamba forsa nudar protetor nasaun lutu ba nasaun sa tan forsa komponente naval, nee nudar forsa hodi asegura area fronteira tasi nian, tamba nee forsa tenke asegura nia dignidade nudar ema forsa labele halo oin-oin,” dehan Lere.

Relasiona ho kazu neebe maka akontese ba membru polisia Militar, Lere hateten nia sei aplika lei ho rigor ba membru forsa defeza, hodi labele sai naran deit iha kuartel komponente sira.

Iha fatin hanesan kapitaun Fragata Adao Brito hateten maske komponente naval hetan dezafius maibe komponte naval kontinua ba oin nafatin.

Nunee mos Prezidente Republika Francisco Guterres Lú Olo liu husi deskursu hateten komponente naval hanesan komponete neebe maka asegura riku soin parte tasi TL, maske nunee hetan desafius maibe ho dezafius hirak nee bele desemvolve liu tan komponete naval ba oin.

Komemorasaun Existensia Komponente Naval ba Dala 16 hetan partisipasaun husi Prezidente Republika Francisco Guterres Lú Olo, Ministru Defeza Somotxo, Komandante Jeral PNTL, Xefe Kaza Sivil no superior Militar komponete naval. Natalino Costa

Facebook Comments

Leave a Reply

Your email address will not be published. Required fields are marked *