Leonito Florindo Guterres

Leonito Florindo Guterres

- in Perfil
1823
0
Profilllllllll

MANE bonitu ho estatus Single nee laos foun ba maluk sira nebe servisu iha telekomunikasaun husi Vietname Telekom (Telemor) no ba klientes Telemor tomak nebe vizita ba iha Loja Zita Plaza iha andar leten. La seluk la leet nia mak Leonito Florindo Guterres.

Lor-loron nia halao atividade hanesan Momence Department espesial liu ba areia editing content of Vas team servisu mos ba area muzika TL, Mobile. TV and Muzika.tl (Valid Addend Service) hahu husi Abril 2014-2017.

Leonito Florindo Guterres ho naran estimadu Ruby nee moris iha Dili 22 Novembru 1991, aifunan domin husi Celestino Guterres husi Venilale Baucau no Cristina Florinda husi Uato-Carbau Viqueque. Nia aman Celestino Guterres mate tiha ona iha tinan 2016.   Oan daruak husi maun alin nain rua. Nia maun forma ona uma kain.

Hahu Eskola Primaria No. 8 Beto Komoro Dili, Pre-Sekundaria iha 30 de Agostu Komoro Dili no Sekundaria iha Colegio Sao Paulo VI. Depois nee muda fali ba Colegio Sao Miguel no remata iha tinan 2011. Agora dadaun eskola iha Universidade Da Pas (UNPAS) fakuldade Relasaun Internasional.

Edukasaun non formal neebe nia tuir maka hanesan iha tinan 2013 tuir formasaun kona ba Automotive iha Sentru Formasaun Dom Bosco Komoro-Dili. Iha tinan 2013 mos nia tuir kursu ingles iha Sols Dili durante fulan hitu. Kursu komputador iha Sols durante fulan haat iha Dili. Iha tinan 2015 Participated Training Course of VAS (Valid Added Service).

Iha tinan 2016 partisipa mos iha kompetisaun muzika Yes Academy ASEAN iha Jakarta, Indonesia no hetan sertifikadu iha eventu refere. Iha tinan 2015 partisipa iha eventu Got Talent Music Skill in Hanoi, Vietnam.

Nia mos hatete katak oras nee dadaun nia iha talentu muzika maibe iha Timor laiha governu ruma nebe tau matan atu bele dezenvolve talentu nee ho diak. “Hau durante nee latuir kursu ruma kona ba hakerek muzika, no toka viola maibe nee talentu nebe hau aprende husi kikoan. Tuir lolos governu tenki buka dezenvolve ema nebe iha talentu diak, tanba talentu sira nee bele lori imajen Timor nian ba iha estranjeirus,”dehan artista IV lugar areia muzika iha Vietnam 2015 nee ba STL iha nia servisu fatin Zita Plaza, Komoro-Dili, Domingu (27/8/2017).

Tuir nia hare katak depois de Timor Leste 30 Agustu 1999 haketak an husi nasaun Republika Indonezia liu husi konsulta popular nebe realiza husi ONU no nia rezultadu iha loron 4 Setembru 1999 no sura husi tinan 2000 to ba iha 2014 jovens sira komesa hamosu nia talentu oin-oin iha area muzika nian tamba hare ba situasaun, ekonomia, sosial, no politika nebe mosu iha nudar nasaun foun independensia.

Maibe governu sedauk tau matan ho hanoin ida oinsa maka dezenvolve talentu sira nebe jovens sira iha no kreatividades nebe sira organiza rasik. Maske nunee iha mos jovens Timor oan balun neebe konsege ho nia kreatividades no talentu neebe iha ba aplika iha mundu internasional hanesan iha Azia.

Balun kosege hetan sertifikadu no mos balun aumenta tan esperensia iha area muzika nian. Maibe realidade seluk neebe iha tinan 2014-2017 dezenvolve muzika diak ona maibe estraga rezultadu artista sira nia muzika iha merkadu. Tanba jovens barak involve an iha neba no halo kopia ba ema nia muzika barak los ida nee halo artista Timor oan sira triste tanba nia muzika lafolin iha merkadu iha rai laran.

Tanba nee, ho nia kapasidade no esperensia nebe naton iha area muzika nian tanba nee iha tinan 2015 liu ba nia ho nia maluk Timor oan hanesan Lola Cancio, Monis, Farida no Dino nudar reprezenta Timor Leste nia involve iha kompetisaun konaba Got Talent Music skill iha nasaun Vietnam no TL kompete ho nasaun 11.

Nunee mos iha tinan 2016 liu ba nia mos hatudu nia talentu iha eventu Yes Academy ASEAN song writers’ skill iha Jakarta Indonezia. Timor oan nain tolu maka hanesan Alif Carrascalao, Frenky no Leonito Guterres rasik. Maibe iha eventu neba sira nain tolu nee tuir eventu iha area nebe diferente.

Leoninto tuir kompetisaun iha area Song Writers skill, Alif Carrascalao tuir kompetisaun konaba dansa no Frency tuir kompetisaun Hip-Hop iha area dansa. Iha estranjeirus maluk sira husi nasaun seluk dehan ema Timor iha kreatividades ba talentu no lian diak iha area muzika. Maibe iha Timor sedauk iha organizasaun ou governu ida nebe bele ajuda jovens sira nebe iha nia talentu diak.

Kuandu Timor Leste kompara ho nasaun seluk ema nian iha area muzika devenvolvidu liu tamba ema nia neba iha formasaun barak atu motiva jovens sira iha area muzika nian no oinsa konaba kanta, toka viola nomos iha area seluk tan. Maibe karik iha mos oportunidade hanesan maluk sira iha estranjeirus maka nasaun Timor sei bele dezenvolve muzika no meloura diak liu tan iha futuru mai.    

Tamba nee ba futuru Leonito husu ba governu liu husi instituisaun nebe iha kompetensia liu atu tau matan ba area talentu muzika nian atu bele melora no dezenvolve diak liu tan. Iha area oinsa hakerek testu muzika, toka viola, no oinsa bele aprezenta nia talentu nee ba publiku liu husi eventu ruma.

Realidade nebe mosu iha Timor kuandu komemora loron hanesan loron restaurasaun Indepedensia 20 de Maiu, 28 Novembru loron proklamasaun independensia Timor Leste nian sempre governu gasta osan barak bolu artista Internasional hanesan Indonezia, Portugal no seluk tan. Nusa maka labele husu partisipasaun ema ou grupu muzika sira iha Timor nee atu bele hare sira nia kreatividades iha area muzika oinsa. Atu osan nebe husi governu fo ba grupu muzika sira nee bele atu melora sira nia skill iha mundu muzika. Husu mos ba governu atu loke eventu muzika bar-barak atu bele hetan fini diak iha area muzika nia atu ba futuru mai bele aprezenta iah estranjeirus iha area muzika.    

“Hau hakarak husu ba governu atu dezenvolve artista Timor oan ida maka nee governu presiza loke eventu barak atu hili fini nebe diak. Segundu maka presiza kria lei ida atu bele halakon ema nebe halo muzika bajakan, no terseiru maka loke kursu kona ba area muzika,”nia tenik tuir tan. Justinho Manuel da Costa

Facebook Comments

Leave a Reply

Your email address will not be published. Required fields are marked *