Lei Regula Movimentu Karreta Boot, Ladauk Iha

Lei Regula Movimentu Karreta Boot, Ladauk Iha

- in Metro
271
0
kareta-pntl-prende-300x150

DILI-Oras nee dadaun seidauk iha lei neebe bele regulariza karreta boot neebe halo sirkulasaun iha Dili laran. Tanba nee susar atu kontrola movimentu karreta boot.

Tuir Deputadu Agostinho Lay husi bankada CNRT katak, oras nee dadaun ita ladauk halo lei kona-ba oinsa atu kontrola karreta boot hanesan kontentor no fuzu neebe halo sirkulasaun iha Kapital Dili.

Ita seidauk bele halo lei espesifiku ida hodi kontrolu movimentu serkulasaun karreta boot sira neebe halo serkulasaun iha Kapital Dili tanba kestaun asegurasaun,” katak Agostinho ba STL iha Parlamentu Nasional, Tersa (18/4/2017).

Tuir Agustinho katak, kestaun asegurasaun vida nee faktor importante neebe mak halo governu seidauk kria dekretu lei hodi halo regularisaun karreta boot neebe halo serkulasaun iha Kapital Dili. Tanba nee, bainhira kondutor sira halo movimentu kalan iha parte ida bele fo  impaktu ba sira tanba tauk ema balun tuda.

Ita atu regula movimentu sirkulasaun karreta boot sira neebe lori sasan todan tanba dala barak mos bele prejudika movimentu viaturas seluk hodi hamosu engarafamentu maibe ida nee ladauk bele halo,”dehan Agostinho.

Iha fatin hanesan membru komisaun E trata asuntu infraestrutura no telekomunikasaun deputadu Paulino Monteiro hateten, presiza iha regularisaun neebe diak ba parte hotu-hotu iha sidade Dili hodi nunee sidade Dili bele sai organizadu liu, maibe ba buat hirak nee preiza tempu.

Ita hakrak halo regularisasaun hanesan movimentu karreta boot sira hanesan fuzu no seluk neebe mak dala barak tuir ejijensia parte balun nian neebe sempre provoka engarafamentu. Maibe ba kestaun nee hau hanoin sedauk bele tanba iha kestaun balun neebe ita sei evalua bainhira ita hakarak nunee,” dehan nia.

Deputadu nee mos aumenta liu tan katak, atu regula karreta boot sira neebe halo serkulasaun ba iha tempu kalan ida nee presiza lei maibe seidauk too tempu hodi halo regularisaun ba karreta boot atu halo movimentu iha tempu kalan ka loron.

Iha sorin seluk motorista Abino Soares hateten, governu liu husi Ministeridu kompetente presiza kria lei hodi halo kontrolu ba mobimentu karreta boot, tanba kadaves ho serkulasaun karreta boot iha Kapital Dili liuliu tempu rai-loron bele kria engarafamentus iha.

“Ita nia governu presiza halo kontrolu ida ba karreta boot sira neebe lori sasan todan sira bele regula sira movimentu atu nunee labele prezidika viaturas sira seluk,” dehan Albino. Natalino T.da Costa

Facebook Comments

Leave a Reply

Your email address will not be published. Required fields are marked *