Lei Investimentu Loke Espasu Ba Xina

Lei Investimentu Loke Espasu Ba Xina

- in Economics
245
0
1604382_1033057823486533_1559829927161377424_n

DILI– Lei investimentu redus kapital finanseiru bele loke espasu ba xina domina halo atividade ekonomia iha rai laran.

Tuir reprezentante povu iha uma fukun parlamentu nasional  Deputadu Adriano do Nacimento husi Bankada PD, koalia negosiu iha nasaun ida, primeiru iha protesaun, ba sidadaun rasik neebe halo bisnis, halo promosaun ba investidor boot tama iha Timor Leste (TL), ajuda dezenvolve ekonomia nasaun.

Ita nian nasaun TL liu iha dili laran too Munisipiu agora dadaun maluk cina barak loke kios, iha hau nia uma sorin xina loke kios lima, maibe kios timor oan la sae, agora ita hare lei investimentu, redus kapital finanseiru bele fo espasu ba sira estranjeiru domina halo atividade ekonomia iha rai laran,’’dehan Deputadu Adriano iha sesaun plenariu PN, Tersa (18/04/2017).

Nia hatete, Lei investimentu aktual kapital finanseiru valor osan miliaun U$ 1.500 maibe agora halo revisaun hatun ba ema investidor estranjeiru U$ 200.000 no investidor nasional U$ 50.000, maibe TL tama asean tenke halo lei harmoniza tuir lei adopta tuir, maibe importante tenke hare didiak, tanba TL adere ba asean merkadu nakloke ema hotu mai TL, oinsa governu halo lei proteze maluk timor oan sira neebe halo negosiu.

Agora dadaun xina domina halo negosiu iha Dili laran too iha munisipiu balun faan sate, balun dudu gerobak, hadau malu ho timor oan sira.

Ami preokupa tebes, maibe sira loke loja boot, ita lapreokupa,”dehan nia.

Nia hatete, Governu halo lei saida, hodi antisipa asuntu sira nee, tanba agora dadaun iha Dili laran liu iha hudi laran nakfila ba xina laran.

Iha fatin hanesan Membru komisaun C Deputadu Antoninho Bianco hatete, lei investimentu Artigu 26, kapital finanseiru hare vantazen no desvantazen, kapital finanseiru ba ema investidor estranjeiru valor minimu U$ 200.000 no ema nasional U$ 50.000 hanoin ida fo oportunidade ba ema estranjeiru mai investe barak iha TL, liu halo atividade negosiu, tanba hare ema halo uma ida gasta osan $ 200.000 dala ruma latoo, satan, sira mai halo investimentu lori osan U$ 200.000 maibe rai laiha problema.

Hau hanoin governu tenke tetu didiak, atu foti dezisaun lei investimentu ho kapital finanseiru nee, molok aprova bele fo vantazen ba investidor estranjeiru no investidor nasional no maluk timor oan sira hotu,” dehan nia.

Nunee mos Prezidente Komisaun A Deputada Carmelita Caitano Moniz hatete, lei investimentu  privadu atual kapital finanseiru miliaun U$ 1.500 maibe agora halo revisaun redus ba ema investidor estranjeiru valor minimu U$ 200. 000 no investidor nasional valor kapital finanseiru U$ 50.000.

Maibe Vantazen ba investidor nasional sira saida, tanba ida mak ita hatun tiha, hau komprende TL tama asean tenke halo lei adopta nasaun sira nee, presiza ministru bele esplika klaru,’’dehan nia.

Hatan kestaun husi Ministru Estadu kordenador Asuntu ekonomia e Ministru agrikultura e peskas Estanislau da Silva hatete, Governu halo revisaun ba lei investimentu liu iha redusaun ba kapital finanseiru  atu bele atrai investidor estranjeiru sira mai halo investimentu iha rai laran, tanba tau osan capital boot uluk miliaun U$ 1.500 ema estranjeiru la mai halo investimentu iha rai laran.

Ami halo revisaun atu redus kapital finanseiru hodi atrai investor sira halo investimentu loke kampu servisu ba timor oan sira, tanba TL adere ba asean tenke halo lei adopta tuir nasaun sira nee,’’dehan nia.

Nia hatete, tuir dadus husi servisu registo verifikasaun emprejarial (SERVE) hatete katak, Ema xina sira halo negosiu iha rai laran 1.200 maibe barak husi nasaun Indonesia. Maibe ema sira halo negosiu sira lahetan licensia sertifikadu investimentu.

Governu rekuinese ema estranjeriu tama halo negosiu falta kontrola, hanoin lei foun imigrasaun neebe PN aprova bele ajuda kontrola diak liu iha fronteira sira.

Iha debate no votasaun final global ba lei investimentu privadu kansela tiha, tanba sei hadia artigu balun, liu iha artigu 26, neebe adia ba semana oin. Josefa dos Santos/Carme Ximenes

Facebook Comments

Leave a Reply

Your email address will not be published. Required fields are marked *