Lei Fo Espasu Partisipa Politika

Lei Fo Espasu Partisipa Politika

- in Metro
5639
0
13159977_bYJzN

DILI- Feto iha direitu atu bele partisipa iha vida politika nomos iha atividade seluk, tanba lei maka fo espasu.

Tuir Sekretaria Exekutiva Komisaun Nasional Timor Leste Ba Unesco, Cedelizia Dos Santos katak, feto nian partisipasaun iha vida politika komesa aumenta ona, tanba iha lei neebe fo espasu ba feto sira atu involve aan iha partidu politiku sira.

Ita haree feto nian partisipasaun iha vida politika komesa aumenta ona, tanba iha ona lei neebe maka fo dalan nomos fo espasu ba feto sira bele involve aan iha partidu, maibe ida nee fila fali ba ita feto. Sekuandu ita hakarak hatudu katak laos tan deit lei iha maka ita ba maibe, hanesan feto hau hakarak ita ba ho kualidade. Para hatudu ba mane sira katak laos tanba deit lei maka feto partisipa maibe, tanba kapasidade no kualidade,” katak nia ba STL iha salaun Unesco Caikoli, Tersa, (05/12/2017).

Nia hatutan, nia parte hakarak enkoraza nafatin feto sira involve aan iha politika nomos atividade seluk, tan no feto sira tenke hatudu ba mundu katak feto mos bele,

Hau nuudar feto Timor ida hau hakarak enkoraza nafatin feto maluk sira involve aan iha politika, laos iha politika deit maibe ita hatudu ba mundu katak ita nee sai feto neebe maka diak iha ita nian kariera, iha ita nian vida familia, iha vida politika nian ho kualiadade nian laos, tanba lei maka feto partisipa iha neeba, maibe ita feto mos tenke prontu kompete ho mane sira,” tenik Cedelizia.

Nian husu ba feto neebe maka iha parlamentu nasional neebe maka reprezenta povu nomos NGO feto sira nian katak temke tun ba iha area rural sira, hodi bele fahe advokasia nafatin ba feto rural sira, para nunee sira mos bele partisipa iha vida politika hanesan feto neebe maka iha nasional. Emerenciana Pinto

Facebook Comments

Leave a Reply

Your email address will not be published. Required fields are marked *