Lei Fo Dalan Ba Polisia Bele Tiru Kriminozu

Lei Fo Dalan Ba Polisia Bele Tiru Kriminozu

- in Nasional
110
0
images

DILI-Komandante Polisia Munisipiu Dili (KPMD), Superintendente Xefe polisia, Pedro Belo deklara, lei numeru 5/2017 bele tiru kriminozu sira enkuantu sira demais hatudu hahalok krime ba komunidade.

Nia hatete, nudar ajente siguransa laos atu fo oportunidade nafatin ba ema kriminozu sira para atu halo nafatin krime. Tanba, lei armas brankas numeru 5/2017 fo autorizasaun para polisia bele tiru ba ema neebe kriminozu.

 Krimozu neebe mak lori armas brankas halai tun sae, liliu rama ambon, kuandu hetan mak nia pratika dadaun, iha lei fo autorizasaun para bele tiru, bele tiru iha neebe deit, tanba kriminozu nee kriminozu, mais labele tiru ba komunidade,” dehan iha nia knar fatin, KPMD, Caicoli-Dili (28/03/2019)

Nia sublina katak, krimimozu neebe mak lori armas, ka rama ambon para atu estrga ema nia vida, no lao tun sae hodi halo dadaun aktu krime wainhira haree maka polisia mos bele tiru, tanba lei numeru 5/2017 autoriza.

“Ba kriminozu laiha tolaransia, tanba nasaun harii forsa, no polisia nee atu atua kriminozu sira nee, laos para atu ba hamaous kriminozu, ami servisu para atu atua kriminozu sira,” dehan nia

Pedro deklara katak, sedauk too sira nia tempu, maibe too tempu mak sira sei simu sira nian konsekuensia, wainhira sira kontinua hatudu hahalok kriminozu ba komunidade.

Lei fo dalan para atu halo duni ida nee (Tiru), mais tiru tiru lolos, labele ema la sala, hamrik iha sorin ba tiru kona fali ida nee, entaun polisia ida tiru nee tenke ba hatama fila fali,“hatete nia

Nia reforsa tan katak, nasaun ida nee laos kriminozu mak atu domina fali, maibe nasaun ida nee nia iha siguransa rasik, siguransa nee mak polisia no forsa tanba nee kuandu halo demais mak polisia tenke atua. Labele hosik ema kriminozu ida atu hasai fali ema ida nia vida. Notisia kompletu lee iha jornal STL edisaun Sesta (29/03/2019). Lucia Ximenes

Komentariu

Facebook Comments

Leave a Reply

Your email address will not be published. Required fields are marked *