Laos Tempu Feto Iha Kotuk

Laos Tempu Feto Iha Kotuk

- in Politics
49
0
Yasinta Lujina

Editora:Carme Ximenes

DILI– Feto presiza hatudu ninia kapasidade matenek ba publiku, tanba agora laos ona tempu  husik sira iha kotuk, hodi halao deit servisu domestika (uma laran).

Lei garante feto ho mane nia direitu hanesan, atu hakat hamutuk iha prosesu dezenvolvimentu nasional, tanba nee labele uza nafatin sistema patriarkal hodi taka dalan ba feto.

Diretora Movimentu Feto Foinsae (MOFFE), Yasinta Lusina hatete, maski oras nee Sistema patriarkal sei sai satan  feto nia involvimentu, maibe feto sira esforsu hodi koree aan husi sistema nee rasik.

Laos tempu ona feto iha kotuk ou uma deit hodi simu desizaun husi maluk mane sira, maibe feto mos presiza utiliza oportunidade dezenvolve kapasidade rasik, tanba atu koree an husi sistema patriarkal labele hein ema seluk mak kore, maibe ita rasik mak hahu kore ita nia aan uluk, dehan Yasinta ba STL, iha Salaun MSSI, Caicoli, Dili, Kinta (09/1/2020).

Nia mos husu feto sira labele hein deit oportunidade iha uma, maibe buka esforsu aan oinsa mak hodi lao ba oin.

Tanba tuir Yasinta katak, feto mos iha kapasidade atu foti desizaun no direitu hodi partisipa iha kualker servisu.

Iha fatin hanesan Ativista feto hanesan mos Eis Sekretariu Estadu Igualidade Jeneru Laura Pina hatutan,sistema patriarkal sai hanesan virus ida neebe mak sei taka dalan ba feto, tanba nee feto sira kontinua buka informasaun, atu bele dezenvolve aan iha atividade hotu.

Mentalidade patriarkal sai hanesan virus ida neebe mak kontinua permanese, tanba nee mak husu feto sira kontinua buka informasaun no dezenvolve aan, atu nunee ita bele kontribui ba kualidade iha dezenvolvimentu familia no mos nasaun, nia dehan.

Laura mos husu feto sira atu kontinua buka esforsu aan ba oin maski iha bareira barak, maibe bainhira iha vontade feto sira bele muda buat hotu tuir kapasidade rasik.

Nunee mos Diretora Interina Fundasaun Caucus Feto Ba Politika Maria da Costa Expostu dehan, lei garantia oin-oin, maibe kona ba sistema patriarkal nee laos iha Timor Leste deit, iha mundu tomak mos sistema patriarkal sei dominante. Emerenciana Pinto

 

Komentariu

Facebook Comments

Leave a Reply

Your email address will not be published. Required fields are marked *