Lanu Todan MX Simu Purada

Lanu Todan MX Simu Purada

- in Krime
190
0

DILI- Tribunal Distiral Dili halao julgamentu ba arguidu HSM neebe ho kondisaun lanu baku lezada MX too ibun raan no baisa iha hospital.

Liu husi audensia julgamentu tribunal lee sai akuzasaun husi ministeriu publiku katak, arguidu HSM ho lezada MX moris hamutuk nudar fen no laen iha tinan 1991, no iha oan nain sia.

Iha loron 28 fulan Junu tinan 2016 dadersan tuku 08:00  iha arguidu ho lezada nia uma Bairo Pite, arguidu toba hela iha kuartu laran ho kondisaun lanu tanba foin fila husi festa.

Dadersan nee arguidu sira nia oan Marta Soares tinan 10 mos iha hotu neeba, tanba nee lezada fo hatene ba nia oan sira labele distribuidu tanba arguidu sei toba hela.

No sira nia oan mos sai tiiha ba liur, lakleur lezada ba haris hotu tiha tama fali ba uma laran atu hatais nia ropa atu ba fan sasan iha UNPAZ nia oin.

Arguidu hamrik husi toba fatin diretamente tuku dala ida kona iha lezada nia kabas parte kotuk,  nunee halo lezada mos hakfodak hateke fali ba arguidu no husu ba arguidu dehan nusa mak o halo mai hau nunee, o lanu la toba tiha.

Rona lezada hateten nunee, arguidu basa tan dala ida ho makas iha lezada nia kanuruk nunee lezada monu sadere ba iha didi lolon.

Tuir mai arguidu lori nia ain sama iha lezada nia hirus matan rabat tiha ba didi lolon, depois mak arguidu tuku barak iha lezada nia kakorok no kanuruk hodi kauza lezada moras, bubu no halo lezada book an la diak.

Iha momentu nee sira nia oan Juliana Soares Monteiro mos toba hela, maibe rona arguidu ho lezada hirus malu nunee hafodak hodi ba dada ses tiha arguidu husi lezada, maibe arguidu fila basa fali sira nia nee, dala rua iha nia kanuruk.

Kuandu arguidu tuku tiha dalabarak iha lezada nia kakorok, ulun no kotuk laran, iha momentu nee kedas lezada dezmaia no monu tun ba rai, nunee sira nia oan feto Fransisca Soares mak lori lezada ba hospital hodi hetan taratamentu.

Husi arguidu nia hahalok nee, lezada hetan baixa iha hospital durante loron haat, hahu husi dia 28/5/2016 too iha 2/6/2016 foin alta. Iha momentu nee mediku sira fo hanoin ba lezada labele kaer servisu todan durante tinan ida.

Nunee lezada tenke baixa durante loron haat, arguidu la ba vizita lezada iha hospital. No lezada fila husi hospital ba hela fali ho nia inan aman sira iha Viqueque tanba trauma no tauk.

Laos lezada deit mak sente trauma, maibe arguidu ho lezada nia oan sira neebe asiste arguidu nia agregasaun nee, mos sei trauma. Nunee labarik sira nee ba hela hotu fali iha familia seluk nia uma.

Arguidu laos foin mak baku lezada ba primera vez, maibe durante arguidu ho lezada moris hamutuk, sempre iha problema. Iha tinan 2013 iha Fatumeta, Dili, arguidu baku lezada too muta ran, tanba iha momentu neeba lezada ba iha arguidu nia servisu fatin hodi fo hatene ba iha finansa hodi fo atensaun ba nia staf sira iha servisu fatin, maibe arguidu hanoin katak lezada deskonfia arguidu ba nia kolega sira, nunee bainhira fila husi servisu fatin arguidu tuku lezada dala ida makas hodi halo lezada muta ran.

Iha momentu neeba lezada ba halo taratamentu iha hospital depois maka polisia lori lezada ba hela iha focupers.

Akontese tiha kazu ida nee, lezada kontinua moris hamutuk fali ho arguidu, maibe lezada sente trauma no tauk keta halo loron ruma arguidu baku tan nian.

Konsekuensia direita no nesesariu husi arguidu HSM nian kondura sira nee mak kauza lezada MX hetan moras no bubu iha nia kakorok too baisa iha hospital durante loron tolu no sei sente moras.

Arguidu HSM hakarak no intensaun hodi tuku dala barak iha lezada nia kakorok kanuruk no isin sira seluk, no sama tan iha lezada nia hirus matan nunee halo lezada sofre moras.

Nunee ministeriu publiku akuza arguidu hanesan autor material ho forma konsumada, hodi komete krime violensia domestika ho forma maus tratus neebe previstu iha artigo 154 husi kodigu penal Timor Leste.

Hatan ba akuzasaun nee, arguidu konfesa ba tribunal katak, faktus sira nee balu loos, no balu la loos.

Hau baku duni nia dala rua, tanba hau ho kondisaun neebe lanu. No bainhira nia tama iha hospital mos, hau ba haree nia. Konaba ida dehan baku nia too muta ran nee lalos, tanba nia uluk kedan moras muta ran hanesan nee kedan, no ami lori ba konsulta iha hospital. No arguidu mos promete ba tribunal katak nia sei la halo tan hahalok aat nee,” dehan arguidu iha sala audensia TDD, Kinta, (20/09/2017).

Nia konfesa tan, bainhira lezada alta husi hospital ba tiha Viqueque nia mos tuir ba iha neeba, no momentu nee sira koalia hodi hadame malu tuir kultura timor nian fo sala tais no fali. Husi nee sira fila mai Dili hela hamutuk, no halao servisu ho hakmatek.

Rona tiha deklarsaun husi arguidu, tribunal adia fali  julgamentu ba iha loron 5 fulan setembru tinan 2017 hodi rona fali deklarasaun husi lezada bazeia ba faktus neebe iha.

Audensia julgamentu nee, prezide husi Juiz kolektivu Ivan Suriati, Duarte Tilman no Maria Modesta. Ministeriu publiku reprejenta Prokurador Nelson Carvalho, no arguidu hetan asistensia legal husi Defensoria Publika Olga Barreto. Terezinha De Deus

Facebook Comments

Leave a Reply

Your email address will not be published. Required fields are marked *