Lansamentu Produtu Bee Aqua Fresca

Lansamentu Produtu Bee Aqua Fresca

- in Notisias Online
146
0
73390609_2490691141149392_6958173819286585344_o

LIQUICA – Consorcio Austim Beverage,S.A hamutuk ho kompania Timor oan ida ho kompania Hefu International Construction neebe hetan ona rekonesementu husi estadu hodi produs bee hemu Aqua Fresca primeira vez lansa produtu.

Lia hirak nee hatoo husi nain ba Consorcio Austim Beverage,S.A.Steve Hegarty ba jornalista sira iha seremonia iganagurasaun bebida Aqua Fresca, iha Beduku, Turuleu, Liquica, Sabadu (23/11/2019).

Nia dehan, Antes atu mai halo investimentu iha nee hetan ona rekonesementu husi estadu hodi halo investimentu hodi produz bee hemu Aqua Fresca neebe ho kualidade diak hodi fornese ba iha konsumidores sira.

Kompania nee rasik Joint Venture entre kompania 3, kompania primeiru nain mak Antoni Lay, kompania segundu Consorcio Austim Beverage, S.A no terseiru Kompania Hefu International Construction,dehan Steve Hegarty

Steve Hegarty hatutan, fatin neebe sira uja hodi halo investimentu iha nee hetan tiha ona autorizasaun husi Autoridade lokal no estadu. Agora daudaun kompania nee mos hetan ona lisensamentu husi  Quality Management System  husi International Organization for Standardization (ISO) hodi bele sai organizasaun ida neebe legalmente iha mundu internasional.

Tanba nee, bainhira inagura hotu ona produtu Aqua Fresca nee, bele sirkula ona iha merkadoria. Nain ba kompania nee mos garantia sei halo eksportasaun bee Aqua Fresca nee ba iha estranjeiru.

Entertantu iha fatin hanesan, Dulce Amaral, Senior Administration, Consorcio Austim Beverage hatutan, prosesu primeiru hodi halo produsaun ba bee, kompania rasik fura iha fatin produsaun nee rasik.

Konaba bee nee, ami fura rasik iha rai nee rasik, ninia kedalaman nee 120 meter kedalaman,katak Dulce.

Nia hatutan, modelu produsaun bee nee 350 ml, 600 ml. 1,5 liter no gallon 19 liter.

Hatan konaba tanba sa maka bee nee rasik seidauk sirkula iha merkadoria, Senior Administration nee hatete, “agora daudaun nee ami marketing sira lao dadauk hodi buka ona customer no ami nia customer agora daudauk iha ona, espera katak depois lansamentu nee. Segunda ami hahu ona lori ami nia bee nee ba merkadoria,”.

Tuir Diretur ezekutivu Trade Invest, Arcanjo da Silva hatete, kompania bee Aqua Fresca nee hari husi sosiu kompania 3, neebe kompsotu husi kompania ida husi Timor-Leste, kompania ida husi Australia no kompania ida seluk husi Xina hamutuk hodi investe iha industria bebidas liu-liu industria bee hemu.

Konaba sertifikadu investidor nia validade no prosesu hatama aplikasaun katak, sira hatama ona sira nia aplikasaun ba guvernu iha 2017, fatin investimentu nee rasik besik Dili maibe nee pretense husi Liquisa, dehan Arcanjo

Iha seremonia inagurasaun ne rasik partisipa mos reprezentante husi membru VIII Governu, Ebasador Xina, Embasador Australia, Bank Mandiri, Reprezentante Autoridade Lokal no PNTL. Crisogono Magalhães/EST 01

 

Komentariu

Facebook Comments

Leave a Reply

Your email address will not be published. Required fields are marked *