Lamenta Ema Balu Fahe Veteranus

Lamenta Ema Balu Fahe Veteranus

- in Politics
6585
0
Lere

DILI — Xefe Estadu Maior Jeneral F-FDTL Major Jeranel Lere Anan Timur lamenta tanba iha ema balun dadaun aproveita situasaun politika neebe iha hodi fahe veteranus sira.

Ohin loron situasaun politika ema aproveita situasaun nee hakarak fahe   Veteranus sira, hau triste kuandu haree iha parlamentu neeba halo konsentrasaun ba Ministru defeza,” dehan Xefe Estadu Maior Jeneral ba Jornalista sira hafoin remata enkontru semenal ho Prezidente Republika iha Palasiu Prezidente Nicolau Lobato Bairru Pite, Kuarta (6/12/2017).

Nia informa Prezidente Komisaun ka Prezidente bankada la halo komferensia imprensa, tenke haruka veterana ida halo komferensa imprensa hasoru nia maluk veteran sira seluk.

Lere hatutan veteranus 1975 sira lalika influensia ba ema nian, bele halo influensiasaun oin oin maibe mantein nafatin nuudar vetenus hamutuk nafatin.

Ita nuudar veteranus labele influensia ba buat rua maibe ita neebe nuudar hamutuk nafatin tanba ita sira nee nuudar mate restu neebe agora sei moris labele hanesan nee no depois ba uza fali maluk ida neebe nunka ita nia maluk hakarak hili fali maluk foun amigo foun ka belun foun,” Lere akresenta veteranu sira neebe mai husi ai laran biar kiak, biar halo sala hamutuk nafatin ho hanoin hamutuk atu lori nasaun nee ba oin.

Eis Komisariu Politiku nee apela ba lideransa nasaional sira  hamutuk iha hanoin ida hanesan uluk iha tinan 24 iha ailaran hodi iha konfia ba  malu nafatin,  liu konfiansa   neebe maka fo ba malu  hamutuk lori nasaun nee ba oin, maske ohin loron Timor-Leste sai duni nasaun no povu ida kiik  kasian maibe  hanesan iha mundu rai klaran.

Entretante Xefe Estadu Maior Jeneral Falintil Forsa Defeza Timor-Leste (F-FDTL) Maijor Jeral Lere Anan Timur relata prezidente republika sei foti desizaun atu hakotu situasaun politik neebe dadaun nee lao, laiha politiku ida intervene desizaun Xefe Estadu nian.  Desizaun PR nian laiha ema ida atu kontra bainhira nian parte foti desizaun relasiona ho situasaun politiku neebe lao.

Nia argumenta Prezidente Republika laos partidu ida maka vota ba nia maka sai Prezidente Republika hili direita povu liuhusi eleisaun, kuaze rihun 60 nia votus kompara laos hanesan deputadu sira ida neebe maka tur iha parlamentu nee rezultadu husi ema vota partidu.  “Tanba nee laiha ema ida iha Timor tantu politiku sira desizaun Prezidente Republika karik foti desizaun ruma ba situasaun politika neebe oras nee dadaun lao,” dehan Lere.

Se desizaun maka Prezidente Republika foti, forsa apoiu, Prezidente Republika nuudar prezidente nuudar   komandante supremu forsa Armadas iha kompetensia propria atu halo ba kualker desizaun. Desizaun Prezidente Republika, forsa prontu fo apoiu nafatin no laiha ema ida kontra desizaun Prezidente.

Iha TimorLeste hau lakohi haree ema ida kontra fali Prezidente nian desizaun,” tenik Lere.

Xefe Estadu Maior Jeral F-FDTL Maijor Jeral Lere Anan Timur mos lamenta ho deklarasan Ministru Defeza Jose Agostinho Samotxo nian neebe halo politiku sira barak la gosta. “Hau koali katak ida nee realidade liafuan ruma ke dala ruma balun ses husi nia koalia, no situasaun neebe maka ohin loron ita atravessa bele kria mos mosaun.

Lere hanesan irmao Fideliz neebe atu lori Ministru Defeza ba Tribunal  ba  Ministeriu Publiku agora maka loke ona tribunal ba ema hotu hotu sira neebe  uluk oho ema iha 1999 ida nee mos agora tenke buka tuir hodi lori ba tribunal  tanba nee krime  ida nee  agrava tan situasaun. “Hau hanoin diak problema neebe ami halo iha ai laran ami liga ba funu nee hakerek ba istoria agora ita liga ba situasaun politika atual nee ita maka provoka,” komenta Lere. Luciana Ximenes/Natalino Costa

Facebook Comments

Leave a Reply

Your email address will not be published. Required fields are marked *