Lalika Fo Ultimatu Ba PR, Governasaun Lao Diak Tenke Tau Ema Mos

Lalika Fo Ultimatu Ba PR, Governasaun Lao Diak Tenke Tau Ema Mos

- in Nasional
190
0
Horta

DILI- Bainhira governasaun ida atu lao diak ba oin, tenke tau ema neebe maka mos, tanba nee lalika fo ultimatu ba Prezidente da Republika Francisco Guterres Lu Olo.

Hau nudar observador no eis Prezidente da Republika, inklui mos Timor oan ida hau husu ba kada forsa politika kada instituisaun diak liu lalika fo ultimatu ba malu, tanba governasaun atu lao ho didiak tenke hare mos ema tur iha governu nia laran, mais PR hateten ona dala barak nia opinaun husu ba goveru atu hare fila fali ba eleimentu sira neebe serve iha governu,” dehan Eis PR Horta, ba jornalista sira hafoin remata enkontru ho PR Francisco Guterres Lu Olo, iha Palasiu PR, Nicolau Lobato, Dili, Kinta ( 09/08/2018).

Portantu eis aman nasaun nee hateten, dala ruma  halo ultimatu depois aumenta tan konflitu iha tensaun nia laran, tanba bainhira fo ultimatu kuandu  laiha kapasidade atu rejolve problema politika, ou depois lakonsege implementa ultimatu nee, entaun laiha maioria para halo prosesu tomak.

Iha fatin hanesan, relasiona ho impase politika neebe maka oras nee lao inserteza  iha rai laran, karik mosu demostrasaun ruma  Komandante da PNTL Komisariu Julio Hornai hateten, demostrasaun iha nia lei, iha lei para ema hotu hotu tuir, tanba povu hotu hotu  tuir konstituisaun RDTL iha direitu atu ekspresa sira nia hanoin ba publika konaba buat ruma, mais nia regras iha para atu halo tuir. Notisia kompletu lee iha jornal STL edisaun Sesta (10/08/2018). Carme Ximenes

Facebook Comments

Leave a Reply

Your email address will not be published. Required fields are marked *