Lakohi Simu Moe ba Dala Rua Iha Baugia, Taur Husu Povu Baguia fo Votus Absolutu ba PLP

Lakohi Simu Moe ba Dala Rua Iha Baugia, Taur Husu Povu Baguia fo Votus Absolutu ba PLP

- in Distritu
837
0
PR

BAUGIA-  Atu labele simu moe ba dala rua iha postu administrativu  Bagia iha eleisaun Presidensial 2017, Presidente Partidu Libertasaun Popular (PLP)  Taur Matan Ruak enkoraza povu Baguia atu fo votus  absolutu ba PLP  partidu neebe maka lidera diretamente husi nia rasik atu nunee bele lori nia ba Primeiru Ministru 2017-2022.

Hau lakohi simu moe ba dala rua tan, no Baguia oan labele hamoe tan hau ba dala rua tamba iha eleisaun presidensial 2012 neebe maka Baguia oan rasik kandita aan ba Presidente iha eleisaun Presidensial 2012 maibe iha realidade Baguia oan lafo apoiu maximu no lakon fali iha iha Baguia,” dehan Taur iha nia intervensaun bainhira halao kampania PLP iha postu administrativu Baguia Munisipiu Bacau, Kinta (13/7/2017).

Nia dehan Baguia nudar knua ninian hakarak ka lakohi nia lori PLP neebe maka lidera husi nian tenke manan iha Baucau liu liu iha postu administrativu Baguia neebe maka nudar knua ninian tenke hetan apoiu maximu.

Nudar Asuwain ida neebe maka husi Baucau neebe maka husi postu administrativu Baguia hau lakohi lakon tan iha eleisaun parlamentar 2017 ho PLP neebe maka lidera husi hau rasik,” tenik Taur.

Iha fatin hanesan intelektual Baguia oan neebe maka representa husi Camilo Ximenes Almeida afirma lider Taur Matan Ruak nudar lider neebe maka honestu no ema neebe maka humildi tamba nee nia maka lider neebe mak ita buka duni durante nee.

 Lider neebe maka durante nee ita buka maka Taur Matan Ruak  nia maka nudar lider  neebe iha honestu neebe umilde tamba nee too ona tempu ita hotu tau liman ba malu hodi fo apoiu ba maun Taur  Matan Ruak hodi vota ba PLP atu lori moris diak ba  povu,” dehan nia.

Baguia oan nee mos afirma liu tan katak iha tinan sanulu resin lima nia laran nia konta hamutuk ho Fretilin nian nudar ema Fretilin maibe durante iha tinan sanulu resin lima nian laran governasaun nee la lori mudansa ba iha povu nian moris tamba nee nia hamutuk ho PLP hodi lao hamutuk ho maun Taur hodi lori mudansa ba povu laos agora bainhira tan.

Hau uluk ema iha pertese ba Fretilin maibe kuandu maun Taur deside lao hamutuk ho PLP hau maka ema neebe maka hamrik ho nia dahuluk hodi hamutuk ho PLP tamba hare Maun Taur ema neebe maka iha sentimentu ba domin neebe maka makaas tebes ba nia povu nasaun hodi lori povu no nasaun ba moris diak tamba nee too ona tempu hamutuk ho maun Taur halo mudansa” dehan Camilo.

Kampania aberta PLP nian neebe maka halo iha postu adminisrtativu Baguia Munisipiu Baucau nee hetan partisipasaun maximu husi militante no simpatisante PLP nian tantu komunidade sira neebe maka mai manifestu politiku neebe maka apresenta husi Presidente PLP Taur Matan Ruak.

Alem de ida nee iha kampania PLP nee rasik hetan partisipasaun maximu husi direntes PLP husi nasional sira, no ba kampania PLP nee mos hetan seguransa maximu husi PNTL, no hetan observa direita husi CNE no observador internasional Uniaun Europeia. Natalino Costa

Facebook Comments

Leave a Reply

Your email address will not be published. Required fields are marked *