Lakluta Husu Estadu Dignifika Restus Mortais

Lakluta Husu Estadu Dignifika Restus Mortais

- in Distritu
1540
0
30df2a98a3271e3c41ecd56c65d2f4206e41ff0e

LACLUTA-Komunidade Postu Administrativu Lakluta, Munisipiu Viqueque, husu estadu atu dignifika resustus mortais mak too oras nee seidauk halot hotu.

Preokupasaun nee hatoo husi Kordenador PLP area Postu Administrativu Lacluta, Hermelgildo da Silva “Lorico” iha konsolidasaun PLP iha Lacluta. Nia dehan, tinan 17 ona governu seidauk halot restus mortais sira maka mate ba funu libertasaun nasional. Too oras nee sira nia ruin sei lekar namkari iha territoriu Timor-Leste.

Too agora governu seidauk konsege halot hotu, ita nia maluk sira mak durante funu. Too agora agora restus mortais barak mak seidauk rekolla hotu. Sei namkari iha territoriu Timor-Leste,” hateten Lorico iha konsolidasaun PLP iha Lacluta, Sesta (16/6/2017).

Maluk sira mate durante funu laos tamba sira nia interese privadu. Sira mate tamba deit hakarak defende rai Timor-Leste para hetan ukun aan. Tan nee, “Husu ba governusaun foun, tenke tau prioridade ba restus mortais sira maka uluk fo an ba prosesu libertasaun nasional. Tenki rekolla hotu restus mortais neebe mak sei lekar lemo-lemo iha TL no tau iha fatin ida neebe dignu. Hodi nunee bele fo valorisaun aas ba sira,” dehan Lorico.

Hatan kestaun nee Prezidente PLP Taur Matan Ruak hateten PLP iha nia programa no planu prioridade atu rekolla restus mortais iha territoriu Timor Leste laran tomak. Nia rekonese katak, too oras nee, maluk restus mortais barak seidauk rekolla husi estadu.

Ita haree familia balu husi saudozu sira, sira rasik maka iha inisiativu hodi  rekolla fali sira nian falimia nian restus  mortais tuir lolos buat hirak ne labele akontese nunee tamba maluk hirak nee maka ohin loron sira nian isin, ruin kontinua naklekar no estadu ladauj konsege rekola nee lo aba halo sira nia asuntu  pribadi maka mate maibe atu liberta nian nasaun no povu husi okupasaun  rai seluk,” dehan Taur.

Rekollamentu restus mortais nee nudar programa prioridade PLP. Karik PLP maka kaer ukun, progama prioridade PLP nian primeiru mak sei toma atensaun ba rekollamentu restus mortais.

Iha fatin hanesan, Kordenador PLP Munisipiu Viqueque, Bernando Quintao hateten nia parte optimista, PLP sei manan iha Munisipiu Viqueque.

Ami husi estrutura PLP munisipiu Viqueque nivel postu too base pronto lori PLP manan iha eleisaun parlamentar 2017”dehan Bernando.

Liu husi konsolidadaun partidaria Taur eluzia povu Lacluta atu hili partidu PLP atu nunee bele kontriza objektivu hirak hodi nuneebele dignifika maluk neebe maka oras nee dadaun nia restus mortas neebe maka oras nee estudu liu husi governu ladun konsege rekolla.

Konsolidasaun partidu PLP iha postu administrativu Lacluta ba dauluk presidente partidu PLP Taur Matan Ruak halo vizita ba iha uma neebe maka rai restus mortasis ba neebe familia marteris Lacluta neebe maka rekolla rasik, hodi fo homenajen ba saudozu sira.

Konsolidasaun PLP munisipiu  Viqueque nee halo iha postu  administrativu Lacluta, Lalekmutin, postu adminstrativu Uatolari, hodi vizita restus mortais neebe rekola iha Uatolari, postu administrativu Osu, hetan partisipasaun maximu husi komunidade sira perante manifestu politiku nee, no liu husi konsolidasaun nee rasi hetan partisipasaun husi direjentes partidu PLP nivel musupiu no nivel postu administrativu. Natalino Costa

Facebook Comments

Leave a Reply

Your email address will not be published. Required fields are marked *