Laiha Tekniku, Makina Fase Raan Avaria

Laiha Tekniku, Makina Fase Raan Avaria

- in Notisias Online
183
0
download (1)

 DILI – Makina fase raan iha Ospital Nasional Guido Valadares (HNGV) kontinua avaria tanba durante tinan 10 nia laran ona, Governu lainveste iha kapasitasaun manutensaun teknika ba tekniku sira.

Tuir Deputadu Fransisco Branco, sente hakfodak tinan 10 laiha formasaun tekniku manutensaun  makina fase raan, hatudu katak tinan 10 nia laran governu kaer ukun lainterese ba saude publiku, i lainterese katak atu atende ema moras presiza iha kapasitasaun prepara tekniku no makina sira hodi fase raan.

Hau hakfodak durante tinan 10 nia laran ita lahalo formasaun tekniku atu asegura prosesu manutensaun ba makina fase raan, kuandu ita haree husi grafiku aumenta tan pasiente sira neebe atu fase raan, i loron ba loron pasiente atu fase raan aumenta ba bei-beik, husi labarik kiik ba too katuas sira,” hatete Branco ba Jornalista Tersa (05/03/2019) iha PN.

Nia dehan governu laiha preokupasaun no laiha ajenda prioridade ba ukaun nain sira, maibe sira hanoin deit aan tanba sira hetan fasilidade bainhira moras bele evakua ba fatin seluk hodi hetan tratamentu diak, maibe ba sidasdaun sira neebe mak atus ida resin presiza fase raan ho maikna limitadu i makina neebe presiza prosesu manutensauin laiha prosesu.

Nunee mos Deputadu Bankada CNRT Aderito Hugo hatete, “Kestaun ida nee ita  sempre koalia dehan katak durante tian 10 ita lahalo buat ida, se ita koalia kona ba manutensaun makina  fase raan nee koalia kona ba easpesialista atu halo manutensaun. Maibe realidade ita nia funsionariu no jestor sira iha ospital atu halo akizasaun ba ekipamenus ho teknolojia altu nee so prepara ba operador, maibe operador nee lahanesan no manutensaun ba makina, tanba manutensaun nee so ema enjeneiru,” hatete nia.

Maibe atu halo akizasaun ba ekipamentu altu sira nee sempre haree nia rekezitus, aliende espesifuikasaun makina ita mos haree ba fornesedor nee bele fo manutensaun kalaea.

Nia parte lakomprende tanba sempre jeneraliza sasan katak tinan 10 lahalo buat ida, tanba linguajem nee dalaruma mainizita makina estadu liu-liu ba ema sira  ne servisu iha area refere, maibe lahatene katak servisu iha pesoal saude sira nee mesak ita nia oan, alin, feton ka maun alin sira.

Nia dehan, atu prepara fali sira ba espesialista ba manuetansaun ba  makina ho modelu teknolojia altu nee laos buat fasil, neebe buat neeb mak iha nee mak operador atu uza makina, maibe iha kontratu hatete katak ba manutensaun nee laos ona operador, maibe nee fila fali ba fornesdor, tanba iha kontratu akizasaun nee kompania prontu fornese nee sira mos prontu atu halo manutensaun neebe  ida nee kestaun jestaun.

Tuir nia pesoal saude sira nee mesak Timor oan sira, deit, neebe labele jeneraliza sira katak tinan 10 lahalo buat ida,  maibe presiza nafatin treinamentu i  fo oportunidade ba sira hodi kontinua hasae kapasidade  sira nian iha nivel tekniku

Hatan ba kestaun nee Sekretariu Estadu Comunikasaun Sosial (Secoms) Mericio Akara hatete, iha ona komunikasaun  husi ministra em ezersisiu, ho nia vice agora dadaun servisu makas  hodi identifika problema hirak nee, i sira buka duni solusaun neebe prosesu rezolve problema nee agora dadaun lao, labele dehan lahalo buat ida.

Prosesu nee  lao maske iha difikuldade maibe ministra ezersisiu ho nia vice sempre  fo atensaun ba preokupasaun deputadu sira nian, neebe hanesan reprezentante governu nian atu dehan katak emmbru governu hotu halao hela servisu i foin lalais OJE 2019 promulga ona agora ida-idak halo nia planu ezekusaun, neebe ho preokupasaun sira nee sei rezolve.Guilhermina Franco / Madalena Horta

Komentariu

Facebook Comments

Leave a Reply

Your email address will not be published. Required fields are marked *