Laiha Nasionalismu, Posting Karekatur Xanana, Alkatiri, Lu-olo Iha Media Sosial

Laiha Nasionalismu, Posting Karekatur Xanana, Alkatiri, Lu-olo Iha Media Sosial

- in Nasional
313
0
Sosial Media

DILI – Reprezentante povu iha Uma Fukun Parlamentu Nasional (PN) konsidera, ema nebee maka uza id falsu, hodi posting karekatur lideransa Xanana Gusmao, Marii Alkatiri no Francisco Guterres Lu-Olo, nee laiha nasionalismu, tanba sira larespeita lideransa hira nee.

Iha media social facebook, kuaze ema uza id falsu hodi desfama lideransa sira hanesan, Xanana, Mari Alkatiri no Lu-Olo. Sira Posting karekatur lideransa hirak nee nian, depois maka halo ema hotu hotu, rame rame fo sira nia komentariu.

Kuandu ema ida posting karekatur no desfama lideransa sira nee nia laiha nasionalismu, tanba lahatene saida maka durante nee, lideransa hirak nee halo ba nasaun ida nee. Se lalori sira, ohin loron nasaun Timor Leste bele ukun aan, tanba nee hanesan Timor oan neebe maka iha moral, tenke respeita ita nia lideransa hirak nee.

Tuir deputadu husi bankada Fretilin Paulo Moniz Maia hateten, maske demokrasia, maibe tenke hatene uza demokrasia, laos demokrasia para atu lori ema ba desfama fali lideransa sira nee.

Tanba ema neebe maka gosta desfama lideransa sira hanesan maun boot Xanana, Mari Alkatiri, no Lu-Olo nee laiha nasionalismu.

Ita tenke respeita ita nia lider sira, maske ita opta demokrasia, maibe laos atu uza demokrasia nee hodi desfama fali ita nia lidera sira nee ,” dehan deputadu Paulo ba STL, iha PN, Dili, Tersa (14/02/2017).

Nia dehan, povvu hotu hotu tenke respeita lideransa sira, tanba liu husi sira maka ohin loron Timor hetan Vitoria ukun rasik aan.

Iha fatin hanesan Xefi bankada CNRT Natalino dos Santos hateten, senti triste tebes bainhira Timor oan sira uza sala media social facebook, para depois hodi esperesa sira nia deskontentimentu ruma, maibe nee laos dalan para atu rezolbe.

Entretantu membru PN husi bankada PD Paulino Monteiro hateten, presiza duni iha lei definitiva ida no proposta lei nee rasik tenke mai husi governu no enkamina mai iha parlamentu nasional hodi nunee bele tau hanoin neebe maka politikamente. Carme Ximenes

Facebook Comments

Leave a Reply

Your email address will not be published. Required fields are marked *