Laiha Karta Kondusaun, Bernardo do Rego Selu Multa

Laiha Karta Kondusaun, Bernardo do Rego Selu Multa

- in Krime
307
0
TTD1

DILI- Tribunal Distrital Dili, aplika pena multa ba arguidu Bernardo do Rego, tanba uza motor sem karta kondusaun, no soke tan ema too tama iha hospital.

Tribunal aplika pena multa ba arguidu, tanba arguidu komete krime rua, ofensa integridade fisika reglisentu no krime kondusaun sem karta. Antes nee iha alegaasaun, ministeriu publiku konsidera faktus hirak nee, provadus hotu. Tanba arguidu kondus motor no halai makaas, polisia fo ona sinal halai neneik, maibe nia kontinua halai ho velosidade makaas hodi soke tan ema.

Nunee, ba krime krime ofensa integridade fisika reglisentu ministeriu publiku husu arguidu atu selu multa 30 diaas $ 1.00 por dia, no krime kondusaun sem karta ministeriu publiku husi arguidu selu multa 30 diaas ho kustu $ 70.00. Maibe husi parte defeza husu ba tribunal, atu aplika multa neebe kiik ba arguidu husi $ 50.00 tanba osan neebe nia hetan iha servisu la sufisiente.

Tuir akuzaasaun neebe iha, iha loron sabadu tuku 9:00  arguidu Bernardo Do Rego, uza motorizada neebe halai ho distansia makaas, iha glenu municipiu Ermera.

Iha momentu neeba, polisia neebe iha hela fatin refere dehan ba arguidu atu halai neneik, maibe tanba tauk polisia kaptura arguidu kontinua halai ho velosidade neebe makaas.

Uza motor no halai ho velosidade makaas, arguidu soke tan lezadu Bazilio Badani neebe lori kedan ba iha hospital Glenu nian.

Ho arguidu nia hahalok nee, ministeriu publiku akuza arguidu ba krime rua, krime ofensa integridade fisika reglisentu iha artigu 148 kodigu penal, no mos krime kondusaun sem karta iha artigu 207 kodigu penal.

Hatan ba akuzaasaun nee, argudu deklara ba tribunal katak, faktus hirak nee loos hotu.

Hau soke nia, tanba hau halai makaas ho motor, depois nia korta no monu tun, hau mos monu hotu. Hau tauk polisia kaer hau tanba la iha dokumentus motor nian, nee mak hau halai makaas,” deklara arguida iha Sala Audensia Tribunal Distrital Dili, Tersa (24/10/2017).

Nia mos deklara, sei la halo tan hahalok ida nee, tanba hatene ona katak bainhira uja motor la iha karta kondusaun kontra lei.

Audensia julgamentu nee, prezide husi juis singular, Duarte Tilman, Ministeriu Publiku reprezenta husi prokurador Bartolomeo De Araujo no arguidu hetan aasistensia legal husi defensora publiku Agustinha De Oliveira. Terezinha de Deus

Facebook Comments

Leave a Reply

Your email address will not be published. Required fields are marked *