Laiha Difikuldade Meza-Kadeira Ba EN

Laiha Difikuldade Meza-Kadeira Ba EN

- in Edukasaun
3441
0
meja-eskola

DILI-Konaba meza no kadeira ba ezame nasional (Ezame Nasional), laiha difikuldade ba eskola Sekundariu Jeral Novel da Paz, tanba oras nee dadaun fasilidade sira nee preparadu tiha ona iha eskola refere.

Kestaun nee fo sai husi Vise Direitor ESJ, Novel da Paz, Lourenco Ximenes, konaba fasilidade no edifisiu ba iha ezame nasional nee diak, tanba sira haree kondisaun nee mos hanesan fator ida neebe mak importante ba estudante sira, atu bele produs kualidade estudante sira nian, maibe ema hotu hatene, eskola Novel da Paz ninia kondisaun eskola mak hanesan nee ona, maibe sira nian sala nee boot no luan, para estudante sira bele uza, hodi halao ezame nasional.

Ami nian sala nee boot no luan, depois ami nian meza no kadeira sira neebe mak  atu bele responde labarik sira nian ezame nee sufsiente, tanba  iha tinan uluk  ami hetan meza no kadeira husi UNTL, tanba nee, konaba fasilidade neebe mak atu resposta ba iha ezame nasional nee sufsiente, no ami nian eskola prontu ona,”dehan  Lourenco  ba  STL  iha nian knaar fatin  Kintal Boot  Dili,  Tersa  (17/10/2017).

Nia hatete, finalista sira neebe mak atu tuir ezame nasional iha loron 23 fulan ida nee, hamutuk 700 e tal finalista, agora dadaun sira prepara aan dadaun, hodi bele partisipa diak liu tan iha ezame nasional.

Iha parte seluk, Direitor Edukasaun Munisipiu Dili, Duarte  Braganca, dehan, konaba preparasaun fasilidade ba  iha ezame nasional nee, foin dadaun edukasaun Munisipiu Dili, halo tiha ona enkontru ho Direitor  eskola sira hotu, bainhira  menus meza no kadeira, tenke hatoo mai iha diresaun, atu bele halo atendementu urjenti, antes tama iha ezame nasional.

“Hau hanoin konaba preparasaun fasilidade ba iha ezame nasional nee, foin dadaun edukasaun munisipiu Dili, halo tiha ona enkontru ho direitor eskola sira hotu, bainhira menus meza no kadeira, tenke hatoo mai iha diresaun, para bele halo atendementu urjenti, antes tama iha ezame nasional,”dehan nia. Jacinta Sequeira

 

Facebook Comments

Leave a Reply

Your email address will not be published. Required fields are marked *