Laiha Deadline Ba Governu

Laiha Deadline Ba Governu

- in Politics
30
0
images (8)

DILI-Parlamentu Nasional lafo deadline ou limite tempu ba governu, atu submete fila fali proposta Orsamentu Jeral Estadu 2020, tanba governu presiza tempu hodi halo reformulasaun.

Hatete Prezidente bankada CNRT Duarte Nunes ba jornalista sira, iha PN, Dili, Kinta (12/12/2019).

Nia dehan, too  agora governu halo ona reformulasaun ba OJE 2020, atu nunee bele haruka fila fali mai Parlamentu Nasional

Parlamentu la fo deadline ba governu, tanba sira (governu) tenke prepara didiak,  kuandu  haruka mai fali, sei la haruka fila tan para ita aprova, tanba  oras nee mos povu hein hela, dehan Durate.

Deputadu nee haktuir tan katak,mesmu OJE 2020 tarde, maibe governu sei uza orsamentu duodesimu atu finansia ba fulan Janeiru too Fevereiru 2020.

Ita nia osan sei too iha 31 Dezembru, depois fulan Janeiru 2020 ita sei iha duodesimu too  fulan Fevereiru, neebe hau hanoin prinsipal diak hela, dehan nia.

Governu tuir deputadu nee katak, kompromete atu hatun OJE 2020, maibe hatun ba hira PN seidauk hatene, bainhira governu aprezenta ba PN mak bele halao diskusaun.

Ami hatene nee hatun too iha neebe seidauk hatene, maibe aprezenta mai mak ita diskute hatun tanba saida, hasai tanba saida, hakotu deputadu nee.

Iha fatin hanesan Vise bankada FRETILIN deputadu Francisco Branco katak, Parlamentu Nasional la iha regra ida estabelese, maibe  governu mak kompromete  aprezenta fila fali testu foun loron 13 aban (red ohin).

Maibe iha momentu ida neeba mos deputadu ida sujere katak diak liu depois tinan foun para fo tempu ba governu halo mudansa, halo  diak, hakmatek para bele akomoda interese parte hotu hotu nia, dehan Branco.

 Antes  nee iha diskusaun na proposta OJE 2020 dahuluk neebe monu iha loron loron (02/12) too (03/12), maibe liu husi diskusaun nee, tuir relatoriu Komisaun C inplika katak mosu indisius neebe implika ba inskosntitusionl, ho ida nee   governu da-8 neebe lidera husi PM Taur Matan Ruak, deside hodi retira proposta OJE 2020.

Maske nunee Xefe Governu rasik kompromete sei aprezenta hikas fali lei proposta OJE 2020 ba  PN, iha loron Sesta 13 Dezembru 2019, maibe la konsege tanba sei halo reazustamentu ba OJE 2020.

Entretantu tuir informasaun neebe mak diariu Jornal nee asesu katak, ohin  loron sesta (13/12)  governu da-8  seidauk submete proposta OJE 2020 ho razaun sei halo reazustamentu ba proposta OJE 2020 no sei aprezenta hikas fali iha loron Kinta (19/12/2019). Luciana Ximenes/Guilhermina Franco

Komentariu

Facebook Comments

Leave a Reply

Your email address will not be published. Required fields are marked *