Laen Deklara Hemu Lanu, Gosta Buka Problema Ho Fen

Laen Deklara Hemu Lanu, Gosta Buka Problema Ho Fen

- in Nasional
35
0
Deskonfia

Dili- Arguidu ho inisial PA, deklara iha Tribunal katak, tua hanesan hahan neebe nia han loro loron, tanba nee bainhira konsumu ona tua, nia sempre buka atu halo problema ho nia fen lezada MC.

Iha loron 13 fulan Junu 2018, arguidu ba bolu lezada iha nia oan mane nia uma, atu fila mai iha sira nia uma, tanba lezada sai tiha husi arguidu sira nia uma, hodi ba hela ho nia oan mane sira.

Iha momentu neeba, arguidu too ba iha lezada nia oan mane sira nia uma, hodi bolu lezada atu fila ba sira nia uma, maibe lezada la koalia ida. Tanba nee arguidu foti ai suak, hodi tuda ba iha lezada maibe la kona, lezada foti ai suak nee hodi rai tiha.

Arguidu hanesan autor material ba krime violensia domestika ho forma ofensa integridade fisika simples neebe previstu iha artigu 145 husi Kodigu Penal.

Hatan ba akuzasaun nee, arguidu deklara katak arguidu la lori ai suak tuda lezada, maibe arguidu bolu deit lezada, atu fila ba iha sira nia uma.

Iha fatin hanesan, lezada mos deklara tan katak, arguidu nia hahalok nee la dun diak, tanba arguidu ho kondisaun lanu, sempre baku lezada, tanba nee mak lezada tahan labele, deside hodi ba hela ho nia ona mane sira.

Rona tiha husi arguidu no lezada, Tribunal adia tiha ba loron seluk, hodi tama ba iha alegasaun.

Audensia julgamentu nee, prezide husi Juis Singular Ivan Suritay, Ministeriu Publiku reprezenta husi Prokurador Bartolomeo de Araujo, arguidu hetan asistensia legal husi Defensor Publiku. Notisia kompletu lee iha jornal STL edisaun Kinta (08112018). Terezinha De Deus

Facebook Comments

Leave a Reply

Your email address will not be published. Required fields are marked *