Laen Baku Fen, Tanba Toman Mensagem Ho Eis Namorado

Laen Baku Fen, Tanba Toman Mensagem Ho Eis Namorado

- in Nasional
55
0
Deskonfia

Dili- Lezada ho inisial FF tenke simu agresaun husi nia laen arguidu HR, tanba arguidu la satisfaz ho lezada nia hahalok, neebe halo arguidu toman, banhira lezada mensagem ba nia eis namorado.

Tuir akuzasaun husi Ministeriu Publiku neebe Tribunal lee sai katak, arguidu ho lezada hahu forma uma kain desde tinan 2015 no iha oan nain ida. Maibe lezada la senti kontenti, tanba sempre hetan ameasa no baku husi arguidu.

Nunee iha tinan 2017 lezada tur hela iha sira nia kama leten, derepenti deit arguidu mosu ba ho lanu ho tudik atu sona lezada maibe la konsege, tanba kona deit iha kama, maibe arguidu uja tudik hodi ameasa lezada katak, neneik hau sei oho o no o nia oan.

Iha fali fulan Dezembru tinan 2012 oras tuku 13:00 lokraik bainhira lezada fila husi servisu fatin, arguidu tuku iha lezada nia kabun, kotuk laran, inus no tebe iha isin lolon tomak.

Iha fali loron 30 fulan Janeiru tinan 2018 tuku 16:00 lokraik, bainhira lezada fila husi servisu fatin tama ba kuartu laran, hare arguidu estraga sasan lezada nian hanesan vintunha, fatin tau sapatu, tanba nee lezada deside sai husi uma lori nia oan hodi ba hela iha lezada nia inan aman iha Lahane.

Iha fali loron 5 fulan Fevereiru tinan 2018 tuku 10:00 dader arguidu ba lezada nia hela fatin iha Lahane, hodi foti sira nia oan, tanba nee lezada mos duni tuir arguidu ba arguidu nia hela fatin Quintal boot hodi husu arguidu, nusa mak foti labarik maibe la fo hatene ba lezada, maibe arguidu la responde hodi hatan katak, o susu tia mak mai foti hau nia oan.

No arguidu uja ameasa lezada atu riba sira nia oan ba sumenti leten, tanba nee lezada mos la konsege foti sira nia oan no fila deit ba uma.

Konsekuensia husi arguidu nia hahalok kauza lezada senti moras iha fatin atinjidu, maibe la halo tratamentu iha Hospital.

Ho hahalok arguidu, Ministeriu Publiku akuza arguidu ba pratika krime violensia domestika ho forma ofensas integridade fizika simples neebe previstu iha artigu 145 husi kodigu penal TL.

Hatan ba akuzasaun nee, arguidu deklara faktus los hotu maibe ida ameasa ho tudik nee arguidu nega, tanba momentu neeba arguidu uja tudik hodi fai deit kulsaun, maibe laiha intensaun atu ameasa ou sona lezada.

Hau baku nia tanba momentu neeba hau toman nia mensajen hela ho nia mantan, entaun hau husu nia hamnasa deit, maibe la responde,” deklara arguidu iha sala audensia.

Iha fatin hanesan, lezada haforsa akuzasaun neebe iha, katak arguidu laos mak foin baku lezada, maibe sempre baku kuandu sira nain rua deskuti malu konaba hare labarik.

Hafoin rona parte rua, Tribunal submete ba alegasaun nunee iha alegasaun Ministeriu Publiku husu ba Tribunal atu aplika pena prizaun fulan tolu no suspende ba tinan ida, tanba faktus provadu.

Entertantu parte defeza husu ba Tribunal, atu aplika pena justu no adekuadu, tanba ninia kliente konfesa no arguidu iha razaun baku lezada tanba lezada mensajen ho nia mantan.

Hafoin alegasaun Tribunal adia hikas ba loron 21 fulan Janeiru tinan 2019 tuku 14:00 lokraik hodi rona desizaun.

Audensia julgamentu prezide husi juiza singular, Sribuana da Costa, Ministeriu Publiku reprezenta husi prokurador Bartolomeo de Araujo no arguidu hetan asistensia legal husi Defensor Publiku. Terezinha De Deus

Facebook Comments

Leave a Reply

Your email address will not be published. Required fields are marked *